سەرنووچە:

وەزارەتا دارایا عێراقێ ڕاگەهاندنەک دەربارەی پارڤەکرنا مووچەی بەلاڤکر

فۆتۆ: 
2020-09-28

4403 جار خوێندراوەتەوە

وەزاروتا دارایا عێراقێ ڕاگەهاند، ژبەر بەردەستنەبوونا پارەیێ نەختینەیی، مووچەیێ مەها ئیلۆنێ گیرۆبوو و دێ هەمی بزاڤان بۆ دابینکرنا مووچەی کەن.

ئەڤرۆ دووشەمبیێ، وەزارەتا دارایا عێراقێ ڕاگەهاندنەک بەلافکر و تێدا هاتیە، تەکەزیێ لسەر پێگیربوونا  خۆ ب دابینکرنا مووچەیێ فەرمانبەران  و خانەنشینان و مفادارێن چاڤدێریا جڤاکی دکەن.

ئەو ژی دیارکریە، پشتراستیێ وێ ددەنە وەلاتیان ب هەمی شیانێن خۆڤە د بزاڤا گەرەنتیکرنا شایستەیا دارایی دانە، دێ بزاڤان کەن د دەمێ دیارکریێ خۆدا پارڤەبکەن، ژ کارێ پێشینەیێ وان دابینکرنا مووچەیێ فەرمانبەرێن دەولەتێ و خانەنشینان و مفادارێن چاڤدێریا جڤاکیە.

ئاماژە ب وێ یەکێ ژی کریە، بسەدەما داکەفتنا بهایێ نەفتێ و ڤایروسێ کورونایێ و کریزا دارایی، کێمیا نەختینەیی حکومەت ڤەگرتیە.

دازانین ژی، د نها دا کار لسەر بەرهەڤکرنا نەخشەرێیەکا تایبەت دکەن بۆ خەرجکرنا شایستەیا داراییا بنەرەتیێن سێ مەهێن داهاتیێن ئەڤسالە، ل ڤان نێزیکان دێ نەخشە رێیێ دەنە بەردەستێ پەرلەمانی، هەردەما هاتە پەسەندکرن، ئەو دێ کارن ب تەمامی گرەنتیا مووچەی و شایستەیێن دارایی کەن.

هەیا نها، حکومەتا عێراقێ دەمێ پارڤەکرنا مووچەیێ مەها ئیلۆنێ نە ڕاگەهاندیە، پێشتر ژی ل رۆژێن ١٨ بۆ ٢٥ێ هەمی مەهان خشتەیا پارڤەکرنا مووچەیێ فەرمانبەرێن عێراقێ ڕادگەهاند، هەڤدەم، هەیا نها بەغدا ٣٢٠ ملیار دینارێن هەرێمێ نەشاندینە، کو پێشتر هەردوو ئالی لسەر لهەڤهاتبوون.