سەرنووچە:

ڤیدیۆ.. بالەفرێن تورکیا سێ جاران دەڤەرا بەرواری بالا بۆمبەباران کر

ئاگر ب دارستانا دەڤەرێ کەفت
فۆتۆ: 
2020-09-28

454 جار خوێندراوەتەوە

بالەفرێن تورکیا گەلیێ بازێ ل دەڤەرا بەرواری بالا یا گرێدایی قەزا ئامێدیێ بۆمبەباران کر، ب وێ سەدەمێ ژی ئاگر ب دارستانا دەڤەرێ کەفت.

ژێدەرەکێ ل دەڤەرێ بۆ ئێن ئاڕ تی ڕاگەهاند، ل دەمژمێر ١١ێ بەریا نیڤرۆیا ئەڤرۆ و بۆ دەما نێزیکی دوو دەمژمێران بالەفرێن تورکیا گەلیێ بازێ یێ سنورێ گوندێ بازێ ل دەڤەرا بەرواری بالایا گرێدایی ناحیەیا کانی ماسێ بۆمبەبارانکر، ب وێ سەدەمێ زەرەر ب توڕا ئاڤا مالەکێ کەتیە و قوت بوویە.

وی ژێدەری ئەو یەک ژی دا دیارکرن، هەر ب سەدەما ڤێ بۆمبەبارانێ ئاگر ب دارستانا دەڤەرێ کەفتیە، هەیا نها ژی بەردەوامە.

دەما نێزیکی سالەکێیە بەردەوام بالەفرێن تورکیا بۆمبەبارانا گەلیی بازێ ل سنورێ گوندێ بازێ یێ دەڤەرا بەرواری باڵا دکەن، پێشتر ژی ب وێ سەدەمێ توڕا ئاڤا وی گوندی ب تەمامی قوت ببوو.