سەرنووچە:

شاسوار عەبدولواحید: ئەوێن دوهی داخوازا جودابوونێ دکرن ئەڤرۆ شاندان بۆ بەغدا دشینن بۆ بدەستڤەئینانا بەشەبودجەی

فۆتۆ: 
2020-09-25

467 جار خوێندراوەتەوە

شاسوار عەبدولواحید ڕاگەهاند، ئەوێن دوهی داخوازا جودابوونێ دکرن ئەڤرۆ شاندان بۆ بەغدا دشینن بۆ بدەستڤەئینانا بەشەبودجەی، دبێژیت ژی، هیڤیخوازە ڕابردوو ژ بیرا وەلاتیان نەچیت، بلا چ دی سیاسی بێ منەت نەبن لهەمبەر خەلکی و درۆیان بۆ نەکەن.

شاسوار عەبدولواحید سەرۆکێ ڤەلڤینا نەوەی نوێ ڕاگەهاند، "حەز دکەم بۆ هەموویان یا زەلال بیت، چ دەمەکێ مە حەزنەکریە ئاخافتنێن مە ڕاست دەربچن"، دبێژیت ژی، "گەلەک جاران من دگەل هەڤالێن خۆ بۆ سوعبەت بەحس دکر و دگوت خودێ بکەت ئەو ڕاستبن، بلا مە هەر ژ ولاتی دەربکەن، لێ ئەز دزانم ئەڤ کارە بهێتە کرن زەرەرا میللەتێ من یا تێدا".

 دیارکریە ژی، "کارێمە د ڕابردوو و نها ژی دا ئەوە کو ڕاستگۆبین دگەل وەلاتیان دا، مە چ زانی بێژینە وان".

سەرۆکێ ڤەلڤینا نەوەی نوێ ڕاگەهاندیە ژی، "ژ هەمیێ سەیرتر د نها دا دوو تشتن، کو ئەوێ دوهی دگوتن دێ عێراقێ تەلاق دەین، نها دیف نەفەقەیا زەواجێ کەفتنە، ئانکو نها شاندا دشینە بەغدا و داخوازا بودجەی دکەن، دوویەم ژی ئەوە کو د نها دا هەر چ حزبا سیاسی و تەنانەت شەخسێن ناڤ حزبان دا، دژی ڕیفراندۆمێ دئاخڤن، ژ بیرا وان چوویە ل ڕۆژا ٢٥ێ ٩ هەموویان (بێ چ جوداهی) دەنگ ب بەلێ و پشتەڤانیا شاشی و نەدیراسەیا بارزانی کرن".

شاسوار عەبدولواحید بەحسا وێ یەکێ ژی کر، "دڤی ولاتی دا دەما تەماشەی وان بوویەر و هەلویستان دکەی، دێ بۆتە دەرکەڤیت سیاسەت ل دەف وێ حزبێ ڕامانا درۆزنی و ساختەچیێ و بێ هەلویستی و بێ مەبدەئیێیە".

ڕاگەهاندیە ژی، "هیڤیدارم ڕابردوو ژ بیرا وەلاتیان نەچیت، نەژبەر خاترا مە، بەلکو ژ پێخەمەت وان، بلا چ دی سیاسی بێ منەت نەبن لهەمبەر خەلکی و ب حەزا خۆ درۆیان بۆ هەوە نەکەن، ژبەر ڤێ ڕابردوو ژبیرا هەوە نەچیت، سزایێ وان بدەن کو بێ هەلویست بوون، کو ڕاستی بۆ هەوە بەحس نەدکرن"، هەروەسا دبێژیت، "پاداشتا ڕاستگۆیان ژی بدەن، بلا هەمی فێرببن ژ ئەڤرۆ شووندا دگەل هەوە ڕاستگۆ بن".

ئەو یەک ژی زەلالکریە، "ئەو هینن کو دێ دیارکەن سیاسی دگەل هەوە چاوا بن، ئەرێ ڕێزا هەوە بگرن و راستگۆ بن، یان ژی بەرڤاژی".

س.م