سەرنووچە:

وەزارەتا دارایی بۆ یەکەمجار گۆهڕانکاریەک ئەنجامدا

فۆتۆ: 
2020-09-23

3557 جار خوێندراوەتەوە

چاڤکانیەکێ ژ وەزارەتا دارایی ڕاگەهاند، بۆ یەکەمجار وەزارەتا دارایی ل دەرڤەی بانکێن کەرتا تایبەت، ب دیارکری ل دەرڤەی بەنکار کوردستانێ، ئالۆگۆرا دراڤان ئەنجامدایە.

چاڤکانیەکێ ژ وەزارەتا دارایی بۆ ئێن ئاڕ تی ڕاگەهاند، بتنێ د ڤێ حەفتیێ دا، وەزارەتا دارایی کوژمێ ٣٥ملین دۆلار د بازارێ ئازاد  ل باژێرێ هەولێرێ ب دینار گۆهڕییە و بۆ هەر ١٠٠ دۆلاران  هزار و ٨٠٠ دینار وەرگرتیە.

بەحسا وێیەکێ ژی کر، ب هەڤبەرکرن ب دەمێ دەربازبووی، ب تنێ ژ وان ٣٥ ملیۆن دۆلاران دا، زێدەتر ژ ٦٠٠  ملیۆن دینار بۆ حکومەتێ ڤەگەڕیایە.

ئاماژە ب وێیەکێ ژی کریە، هەر پارەیەک مولکێ حکومەتێ بیت و بهێتە ناڤ هەرێمێ، ب پارەیێ نەفتێ ڤە ژی، دێ هەر ب ڤێ ئاوای هێتە گۆهڕین.

د چەند رۆژێن دەربازبووی دا، وەزارەتا دارایی ڕاگەهاند، ژ ئەڤرۆ پێدا گۆهڕینا دۆلاری ب دیناری ژ ئالیێ وەزارەتێ ب ئاوایێ فرۆتنا ئەشکرا دێ بیت و هەیا کو قورخکاری د بازارێ گۆهڕینا دراڤان نەهێتەکرن.

هێرش قادر/ هەولێر