سەرنووچە:

ل دهۆکێ بڕیار هاتەدان هولێن شەهیانان بهێنە ڤەکرن

ب ڕێنمایێن خۆپارێزیێ
فۆتۆ: 
2020-09-23

2196 جار خوێندراوەتەوە

ژوورا ئۆپەراسیۆنێن دهۆکێ بۆ بەرهەنگاربوونا کۆرۆنایێ، بڕیاردا ب ڤەکرنا هەمی هولێن شەهیانان ب ڕێنمایێن خۆپارێزیێ.

بهائەدین دەشتانی نوینەرێ خودانێن هولێن شەهیانان ل دهۆکێ بۆ ئێن ئاڕ تی ڕاگەهاند، کو ژوورا ئۆپەراسیۆنان یا دهۆکێ بۆ بەرهەنگاربوونا ڤایرۆسێ کۆرۆنایێ، ئەڤرۆ چارشەمبیێ بڕیاردا، کو هولێن شەهیانان لدیف ڕێنمایێن خۆپارێزیێ بهێنە ڤەکرن.

دیارکریە ژی، بڕیارا ڤەکرنێ ب ئاوایەکێ دبیت کو بتنێ نان خوارن بن نەک شەهیان، هەروسا کەسێن کو دچنە هولان پێدڤیە کەمامە و دەستکێشان بکاربینن و هەژمارا کەسێن دهێن داخوازکرن ژ سەدێ ٥٠ ل چاڤ شەهیانێن بەرێ بهێنە کێم کرن.

بەحسا وێ یەکێ ژی کریە، کو لیژنەیێن وان یێن دیڤچوونێ دێ سەرەدانا وان جهان کەن، ئەگەر پێگیری ڤان ڕێنمایان نەبن دێ هێنە سزادان.

ئەڤە ژی دەمەکێ دایە، کو بەری نها چەندین جاران خودانێن هولێن شەهیانان ل دهۆکێ خرڤەبوونێن نەڕازیبوونێ ئەنجام ددان، داخواز دکرن کو ڕێ ب وان بهێتەدان هۆلێن خۆ ڤەکەن، کو ژ مەها ئادارێ ڤە ژبەر ڕێکارێن خۆپاراستن ژ کۆرۆنایێ هاتبوون داخستن.

س.م