سەرنووچە:

دەما پارڤەکرنا مووچەیێ فەرمانبەران هاتە ڕاگەهاندن

فۆتۆ: 
2020-09-23

3199 جار خوێندراوەتەوە

جێگرێ سەرۆکێ لیژنەیا دارایی و کاروبارێن ئابوری ل پەرلەمانێ کوردستانێ ڕاگەهاند، بڕیارە حەفتیا داهاتی لیستا نوویا مووچەی بهێتە ڕاگەهاندن و پەیڤدارێ حکومەتا هەرێمێ ژی دبێژیت، لێبڕینا مووچەیێ مەها داهاتی یێ فەرمانبەران لگۆری پارەیێ بەردەست دبیت.

جوتیار عادل پەیڤدارێ حکومەتا هەرێما کوردستانێ بۆ میدیایێن پارتی ڕاگەهاند، "لێبڕینا مووچەیێ مووچەخۆرێن هەرێما کوردستانێ لگۆری وی پارەی دبیت کو د بەردەستێ حکومەتێ دایە، چێدبیت ژ مەهەکێ بۆ مەهەکا دی زێدە و کێم ببیت".

ژ ئالیەکێ دی ڤە، جێگرێ سەرۆکێ لیژنەیا دارایی و کاروبارێن ئابوری ل پەرلەمانێ کوردستانێ بەحسا وێ یەکێ کر، حەفتیا داهاتی حکومەتا هەرێما کوردستانێ لیستا نوویا مووچەی ڕادگەهینیت.

ل ناڤەڕاستا مەها ئادارا ئەڤ سالە، ئەمیندارێ گشتیێ جڤاتا وەزیرێن عێراقێ ب نڤیسارا فەرمی و ژبەر ڕادەستنەکرنا ٢٥٠ هزار بەرمیلێن نەفتا ڕۆژانەیا هەرێمێ بۆ بەغدا، پارەیێ مووچەیێ فەرمانبەرێن هەرێمێ د لقا هەولێرێ یا بەنکا ناڤەندیا عێراقێ دا بلۆکر، ڕێ نادەت هەرێم وی پارەی بۆ پارڤەکرنا مووچەی بکاربینیت و ب وێ سەدەمێ ژی پارڤەکرنا مووچەی گیرۆبوویە.

س.م