سەرنووچە:

سەنتەرێ میترۆ: پەرلەمان و سەندیکا و سازی لهەمبەر داخستنا ئۆفیسێن ئێن ئاڕ تی بێدەنگن

فۆتۆ: 
2020-09-20

163 جار خوێندراوەتەوە

سەنتەرێ میترۆ داخوازێ ژ ئەندامێن پەرلەمانی و سازیێن تایبەت ب ئازادیا ڕۆژنامەڤانی و سازیێن میدیای ل هەرێما کوردستانێ دکەت گڤاشتنێ بکەن ب ئاراستەیا بداویئینان ب بنپێکاریێن ئازادیا کارێ ڕۆژنامەڤانی و ئازادیا ڕادەربڕینێ.

سەنتەرێ میترۆ بۆ داکۆکیکرن ژ مافێ ڕۆژنامەڤانان ل هەرێما کوردستانێ ڕاگەهاند، دەما مەهەکێیە ئۆفیسێن کەنالێ NRT ل باژاڕین هەولێر و دهۆکێ ب بڕیارەکا نەڕاگەهاندی و نەڕوونیا دادوەری، دەرگەهێن وان ب هێزێ داخستن، هەروەسا گڤاشتن لسەر کارێ نووچەگەهان و کارمەندێن وان دکەن، ڕێ ب کارکرنا وان ناهێتە دان.

دیارکریە ژی، زێدەباری گڤاشتن و چاڤدێریکرنا کارێ نووچەگەهانێن کەنالی، لێ ڕۆژنامەڤانێن وان ب ئاوایێن جودا ڕاپۆرت و نووچەیێن خۆ ل وان باژاڕان بەرهەڤکرنە و نەهێلانە، ئارمانجا بڕیارێ سەربگریت.

هەروەسا گوتیە، "جهێ دلگرانیا مەیە کو سەندیکا ڕۆژنامەڤانان، سەندیکا پارێزەران، یەکێتیا نڤیسەران، کو ناڤەندێن داکۆکیرکرنا ئازادیا ڕادەربڕینێنە، هەلویستێن جدی لسەر ڤێ پرسێ نیشاننەدانە، د هەمبەر دا چەندین سازیێن داکۆکیکار ژ ئازادیا ڕۆژنامەگەریا ناڤدەولەتی، هەلویست هەبوونە و نامەیێن نەڕازیبوونێن خۆ بۆ کاربدەستێن حکومەتا هەرێما کوردستانێ شاندنە.

دایەزانین ژی، "کو ئەم گەلەک دلگرانین ژنەبوونا پشتەڤانیا پیشەیی د ناڤ پڕانیا دەزگەهێن ڕاگەهاندنا کوردستانێ و ڕۆژنامەڤانان دا، وی دەمی دێ بەڕەڤانیێ ژ ئازادیا ڕۆژنامەڤانی کەن کو بخۆ دکەڤن بەر گڤاشتن و ڕێگریان، لێ لهەمبەر تەپەسەرکرنا هەڤکارێن وان و داخستنا کەنالێن میدیایێن دی چالاک نینن، هەتا نووچەیەکێ ژی لسەر وان بنپێکاریان بەرهەڤ ناکەن.

هەر د بەیاننامەیێ دا سەنتەرێ میترۆ داخواز ژ حکومەتا هەرێما کوردستانێ دکەت پێداچوونێ ب بڕیارا داخستنا کەنالێن ئێن ئاڕ تی دا بکەن، زانیاریان ب ڕایا گشتییا کوردستان و سازیێن ناڤدەولەتی بدەت، کا ب کیژان یاسا ئەو ئۆفیسە هاتنە داخستن؟ کا بڕیار و نڤیسارا فەرمیا دادوەری؟.

هەروەسا داخواز ژ سەرۆکاتی و ئەندامێن پەرلەمانێ کوردستانێ، سەرۆک فراکسیۆن و لیژنەیان دکەت، بێدەنگیێ بشکێنن و دیڤداچوونا جدی بکەن بۆ پاراستنا سەروەریا یاسایێ و کارکرن بۆ ڤەکرنا ئۆفیسێن ئێن ئاڕ تی و ئازادکرنا کارێ نووچەگەهانێن وان.

س.م