سەرنووچە:

تیمەکا تەکنیکیا حکومەتا هەرێمێ سەرەدانا بەغدا دکەت

فۆتۆ: 
2020-09-20

265 جار خوێندراوەتەوە

تیمەکا تەکنیکیا هەردوو وەزارەتێن دارایی و پلاندانانا هەرێمێ ب مەرەما پشکداری د داڕشتنا ستراتیژیەتا پرۆژە یاسایا بودجەیێ سێ سالێن داهاتی یێ عێراقێ دێ سەرەدانا بەغدا کەت.

دەربارەی ڤێ یەکێ، فارس عیسا نوینەرێ حکومەتا هەرێمێ ل بەغدا بۆ ئێن ئاڕ تی ڕاگەهاند، تیما تەکنیکیا هەردوو وەزارەتێن پلاندانان و دارایی دچنە بەغدا و بڕیارە ڕۆژێن دووشەمبی و پێنجشەمبیا داهاتی جڤینان لسەر داڕشتنا ستراژیتیەتا پرۆژە بودجەیێ ٢٠٢١ هەیا ٢٠٢٣ ئەنجام بدەن.

جڤینێن لیژنەیا داڕشتنا بنەمایێن ستراتیژیێن بودجەیێ عێراقێ بۆ سێ سالێن داهاتی، ژ ٣١ێ تەباخا ئەڤسالە دەستپێکریە و نوینەرێن هەرێما کوردستانێ د جڤینێ دا پشکدارن.

دەربارەی ئەنجامێ گۆتۆبێژێن شاندا هەرێم و حکومەتا فیدرال ژی لسەر پرسێن بودجە و وزە و ئاریشەیێن هەلاویستیێن دی ناڤبری گوت، بڕیارە ڤان نێزیکان شاندا بلند جارەکا دی سەرەدانا بەغدا بکەت، لێ هەیا نها دەما وێ نەهاتیە دیارکرن.

س.م