سەرنووچە:

حکومەت: ب کۆژمێ ٨ ملیار دیناران دێ ڕێیا زاخۆ- ئیبراهیم خەلیل هێتە نۆژەنکرن

فۆتۆ: 
2020-09-20

322 جار خوێندراوەتەوە

باژێرڤانیا دهۆکێ ڕاگەهاند، ب کۆژمێ هەشت ملیار دیناران دێ ڕێیا سەرەکیا د ناڤبەرا زاخۆ – ئیبراهیم خەلیل دا هێتە نۆژەنکرن.

ئەمیر ئەترۆشی بەرپرسێ ڕاگەهاندنا باژێڕڤانیێن دهۆکێ بۆ ڕووپەلا فەرمیا پارتی ڕاگەهاند، "حکومەتا هەرێما کوردستانێ د درێژاهیا جیبجیکرنا پرۆژەیێن ڕێ و پران دا ڕازیبوون نیشاندایە ب کۆژمێ هەشت ملیار دیناران ڕێیا سەرەکیا زاخۆ بۆ کۆمەلگەها ئیبراهیم خەلیل نۆژەن بکەت".

دیارکریە ژی، "حکومەتێ پارەیێ پێدڤی بۆ ئەنجامدانا پرۆژەی تەرخانکریە".

هەروەسا گوتیە، "نها پرۆژە د قۆناغا تەندەرێ دایە و پشتی دەربازبوونا ڕێکارێن یاسایی و کارگێڕی، دەست ب جیبجیکرنا پرژەی دهێتەکرن".

بەحسا وێ یەکێ ژی کریە، "هەر ل ئیبراهیم خەلیل دێ ڕێیا وێ کۆمەلگەهێ بەر ب پێشابوورێ هێتە نۆژەنکرن و پرۆژە کەفتیە د بیاڤێ جیبجیکرنێ دا.

س.م