سەرنووچە:

کازم فاروق: پارتی و یەکێتی ب رێکا یاسایەکێ مژوولی قالبدانا جڤاکی و ئازادیانە

فۆتۆ: 
2020-08-15

195 جار خوێندراوەتەوە

سەروکێ فراکسیۆنا نەوەی نوێ ل پەرلەمانێ کوردستانێ راگەهاند، پارت و یەکێتی برێکا "یاسایەکا ترسناک" مژوولی عەسکەریکرنا جڤاکی و قالبدانا ئازادیێ نە، گوت ژی، "لدیف یاسایێ هەرکەسەکێ راستیەکێ یان کومێنتەکێ بنڤیسیت و د بەرژەوەندیا وان دا نەبیت، ئەو ب یاسایا تیرورێ سەرەدەریێ دگەل دکەن".

کازم فاروق، سەروکێ فراکسیۆنا نەوەی نوێ ل پەرلەمانێ کوردستانێ راگەهاند، "لدیف یاسایەکێ کو دخوازن ل پەرلەمانی دەربازبکەن، هەرکەسێ ل فەیسبۆکێ خۆ حەقیقەتەکێ بەلاڤ بکەت یان کومێنتەکێ بنڤیسیت و دگەل مەزاجێ پارتی و یەکێتیێ هەڤنەگریت و د بەرژەوەندیا وان دا نەبیت، ئەو دێ لدیف یاسایا تیرورێ دادگەهێ دکەل کەن، کو حوکمێ وان هەیا بدارڤەکرنێ دچیت".

گوت ژی، "باشە بۆ خاترا خۆدێ ئەڤێ ج جووداهی هەیە دگەل یاسایێن مەجلسا قیادا سەورێ، ئەز لڤێرە ب هەوە د راگەهینم کو ئەگەر جادە رابوو، ج یاسایێن ئەردی و ئەسمانی ب هەوەرا ناگەهن".

دازانین ژی، "پارتی و یەکێتی ئەڤ هەمی میدیایە هەین، هەر چ پەیج و ئەکوانتێن هەین، خەبەران ب کەسایەتی و خویشک و برا و کەسێن دی دبێژن، هەر ئەون خەبەر و هیرش دکەنە سەر خەلکێ ئاسایی".

دیار ژی کر،" وەلاتیێن ئاسایی کەنگی خەبەران دبێژن وەکی ئەڤە هێرش دکەنە سەر شەرەف و کەسایەتیا چ کەسەکێ، هەر چ خرابکاریا لەشی و کەسایەتی هەی ئەڤ دوو حزبە و میدیایین وان یێن سیبەر دکەن، ئێدی یاسایێ دێ بۆ کێ دەرکەن".

بەحس ژی کر، "جارێ بلا بچن وان هەمی میدیا و دەزگەهـ و پەیج و ئەکوانتێن سەختە دائێخن کو د ناڤ دەزگەهێن وان یێن سیخوریێ دا ئەو ب خۆ سەرپەرشتیێ دکەن، ئێدی پێدڤی ب یاسا و چ تشتان ناکەت بۆ خەلکێ فەقیر و هەژار کو ب یاسا وەها لێ بکەن کو نەکارن ب کومێنتەکێ داخوازا حەقێ خۆ بکەن".

زەلال ژی کر، "د راستی دا رژێما بەرێ یا عێراقێ دا ژی بەری نزیکبوون ژ ژناڤچوون و مرنا خۆ، کومەکا بریار و یاسایێن ب ڤی ئاوایی دەردکرن هەیا داوی جار سەرێ خۆ خاری".