سەرنووچە:

ل چەمچەمال ژبەر کێمیا خزمەتگوزاریان خرڤەبوونەکا نەڕازیبوونێ بڕێڤەچوو

فۆتۆ: 
2020-08-14

137 جار خوێندراوەتەوە

ژبەر کێمیا خزمەتگوزاریان و چەند ئاریشەیێن دی، بەشەک ژ ئاکنجیێن ناحیەیا تەکیەیا کاکەمەند ل سنورێ قەزا چەمچەمال خرڤەبوونەکا نەڕازیبوونێ لدارخستن.

ب گوتنا پشکدارێن خرڤەبوونێ، نەڕازیبوونا وان درێژەیا نەڕازیبوونێن وەلاتیێن دەڤەرێن جودایێن هەرێما کوردستانێیە، ئەڤە ژبلی وێ یەکێ کو ناحیەیا وان ب ژی دەست دەهان کێموکاسیان دنالینیت.

پشکدارێن خرڤەبوونێ ڕاگەهاندن ژی، کو مولەتا ١٥ ڕۆژان دانە حکومەتێ ب هاتن ل دیف گازیا وان و جیبجیکرنا داخوازیێن وان، هەروەسا دبێژن، ئەگەر بەرسڤا وان نەهێتە دان دێ خۆنیشاندانێن بەرفرەهـ ئەنجام دەن.

د دوو ڕۆژێن دەربازبوویی دا ل بەشەکا زۆر ژ باژاڕ و باژاڕۆکێن هەرێمێ خۆنیشاندان و نەڕازیبوونێن وەلاتیان ژبەر خرابیا ڕەوشا ژیانێ و کێمیا خزمەتگوزاریان بڕێڤەچوون، هەروەسا خۆنیشاندەران داخوازا هەلوەشاندنا حکومەتێ کرن.