سەرنووچە:

ڤیدیۆ.. ل ڕانیە بۆ سێیەم ڕۆژە لسەر هەڤ خۆنیشاندانا وەلاتیان بڕێڤەچوو

هێزێن ئەولەهیێ ڕێگری کرن
فۆتۆ: 
2020-08-14

306 جار خوێندراوەتەوە

نووچەگەهانێ ئێن ئاڕ تی ل ڕانیە ڕاگەهاند، بۆ سێیەم ڕۆژ لسەر هەڤ خۆنیشاندانا بەشەک ژ وەلاتیان بڕێڤەچوو و هێزێن ئەولەهیێ ژی بەلاڤێ ب خۆنیشاندەران کرن.

سابیر عەبدوڵا نووچەگەهانێ ئێن ئاڕ تی ل ڕانیە ڕاگەهاند، ئەڤرۆ ئەینیێ بۆ سێیەم ڕۆژ لسەر هەڤ بەشەک ژ وەلاتیێن ڕانیە هاتنە سەر جادەیان و خۆنیشاندان کنرن و هێزێن ئەولەهیێ ژی ڕێگریێ ل وان کرن، ب زۆر بەلاڤە ب خۆنیشاندەران کرن.

دیارکر ژی، خۆنیشاندەران داخوازا پارڤەکرنا مووچەی و باشترکرنا ڕەوشا ژیارا وان و خزمەتگوزاریان کرن.

د دوو ڕۆژێن دەربازبوویی دا ل بەشەکا زۆر ژ باژاڕ و باژاڕۆکێن هەرێمێ خۆنیشاندان و نەڕازیبوونێن وەلاتیان ژبەر خرابیا ڕەوشا ژیانێ و کێمیا خزمەتگوزاریان بڕێڤەچوون، هەروەسا خۆنیشاندەران داخوازا هەلوەشاندنا حکومەتێ کرن.

ئەڤە ژی دەمەکێدایە، شاسوار عەبدولواحید سەرۆکێ ڤەلڤینا نەوەی نوێ د بانگەوازیەکێ دا داخوازا خۆنیشاندانان، ل دژی پارڤەنەکرنا مووچەی و خرابیا دەبارا ژیانا وەلاتیان کر.

س.م