سەرنووچە:

ل بالەکایەتیێ ب سەدەما بۆمبەبارانێن تورکیا زێڕەڤانەکێ سنور و گەریلایەک شەهیدبوون

فۆتۆ: 
2020-08-11

289 جار خوێندراوەتەوە

پشتی کو ئەڤرۆ شەڕ ناڤبەرا زێڕەڤانێن سنور و پەکەکێ درۆستبوو، هەردوو ئالی ل دەڤەرا بێرکمێ جڤیان، لێ بالەفرێن تورکیا جهێ وان بۆ مبەبارانکریە و ب وێ سەمێ سەربازەکێ سەر سنور و گەریلایەک شەهیدبوون.

عبەدۆ ڕۆستای نووچەگەهانێ ئێن ئاڕ تی ڕاگەهاند، سێدەهیا ئەڤرۆ سێشەمبێ، ١١ێ تەبخا ٢٠٢٠ێ، ل سنورێ برادۆست شەڕ د ناڤبەرا زێدەڕڤانێن سنور و پەکەکێ درۆست بوو و دیارکر ژی،" هێزێن سەر سنور خواستینە چەپەرێن نوو ل دەڤەرێ درۆست بکەن، لێ گەریلایێن پەکەکێ ئەو یەک رەتکریە و دیڤدا شەڕ و ئالۆزی د ناڤەبرا هەردوو ئالیان دا درۆست بوویە و ب وێ سەدەمێ ژی شڤانەک بریندار بوویە.

بەحسا وێیەکێ ژی کر، هێزێن پاراستنا سنوری چووینە دەڤەرا بێرکمێ هەیا کو دگەل پەکەکێ بجڤن و  لسەر شێوازێ دەڤەرێ گوتوبێژان بکەن، لێ بالەفڕەکا بێ بالەفڕڤانا تورکیا بۆمبەبارانا جهێ جڤینا وان کریە و ب وێ سەدەمێ ژی ئەڤسەرەکێ پلەبلندێ سەربازیێ سەر سنوری و گەریلایەکێ پەکەکێ شەهید بووینە.