سەرنووچە:

ل زاخۆ دەردوورا گوندێ شەرانشا موسلمانان ھاتە توپبارانکرن

فۆتۆ: 
2020-08-11

264 جار خوێندراوەتەوە

توپخانەین ئارتیشا تورکیا ب پتر ژ ٣٠ تۆپان دەردورا گوندێ شەرانشا موسلمانان توپبارانکرن.

زێرەڤان موسا رێڤەبەرێ ناحیا دەرکارێ  بو ئێن ئار تی راگەھاند، ئەڤرۆ پشتی دەمژمێر ٢ێ نیڤرۆ سوپایێ تورکیا زێدەتری ٣٠ توپ ل پشتا گوندێ شەرانشا موسلمانان و دەردوورا چیایێ خامتیری داینە و ھەتا نھا زەرەر و زیانێن  توپبارانێ نەھاتینە زانین.

ھەڤدەم، وەلاتیەکێ خەلکێ دەرکارێ بو ئێن ئار تی راگەھاند، ئەو جھێ ھاتیە توپبارانکرن نێزکی پێنج کێلومەتران ژ سەنتەرێ ناحیا دەرکارێ دوورە و دەنگێ توپان ل سەنتەرێ ناحیێ ھاتە بھیستن و ترس و نەرحەتی دناڤا خەلکی دا چێبوویە.

گوندێ شەرانشا موسلمانان دکەڤە سەر ب ناحیا دەرکارێ سنورێ قەزا زاخۆ یە و تورکیا ب ھێجەتا ھەبوونا پەکەکێ ل وێ دەڤەرێ بەردەوام بۆمبەباران و تۆپباران دکەت.

ئەحمەد زاخۆیی، زاخۆ