سەرنووچە:

جڤاتا رێکخستن و برێڤەبرنا خونیشاندانا ١٢ تەباخێ داخوازیێن خونیشاندەران راگەهاندن

کو سوبەهی دێ برێڤەچیت
فۆتۆ: 
2020-08-11

701 جار خوێندراوەتەوە

جڤاتا رێکخستن و برێڤەبرنا خونیشاندانا ١٢ تەباخێ داخوازیێن خونیشاندەران بەلاڤکرن و تێدا هاتیە، "حکومەت بهێتە هەلوەشاندن و هەلبژارتنێن بەروەخت بهێنە کرن".

جڤاتا رێکخستن و برێڤەبرنا خونیشاندانا ١٢ تەباخێ داخوازیێن خونیشاندەران بەلاڤکرن و بەحس کر، "داخوازیێن ڤێجارێ جوودانە ژ داخوازیێن بەری نها، ژبەر کو ئەم وەها دبینینن، نە چاکسازی ب حکومەتێ دهێتەکرن، نە مووچە پێ دهێتەدان، هەیا نزانیت پرسیارێن پۆلا ١٢ بدانیت".

تیدا هاتیە ژی، "ب بەرچاڤ وەرگرتنا هەمی ئەو بزاڤێن بەری نها، هەروەسا ئەو دەرفەت یەل لدیف یەک ب دەستهەلاتێ داینە، جڤاتا رێکخستن و برێڤەبرنا خونیشاندانا ١٢ تەباخێ  داخوازیێن خونیشاندەران د چەند خالان دا دیار کرینە.

د ڕاگەهاندنێ دا جڤاتا ڕیکخستن و رێڤەبرنا خۆنیشاندانێن ١٢ێ تەباخێ داخازا هەلوەشاندنا حکومەتا هەرێما کوردستانێ و بەرهەڤکاریان بۆ هەلبژارتنا بەروەخت دکەت د هەیامێ کیمتر ژ شەش مەهان دا.

هەروەسا داخازا درووستکرنا حکومەتەکا دەمکی دکەت ژبۆی سەرپەرشتیکرنا  هەلبژارتنێن داهاتی و هەلوەشاندنا کۆمسیۆنا حیزبی یا نها و پێکئانینا کۆمسیۆنەکا سەربەخۆ و بێلایەن ل ژێر چاڤدێریا نەتەوەیێن هەڤگرتی دا.

هەروەسا ئاماژە ب هەلوەشاندنا جڤاتا دادوەریی و پێکئانینا جڤاتەکا دی ب پشکداریا دادوەرێن سەربەخۆ و دوورخستنا دەستیا حزبی د سیستەمێ دادوەریی و دادگەهان دا.

د داویێ دا داخازێ ژ وەلاتیان دکەت کو ئێدی ڤێ رەوشا هەرێما کوردستانێ قبول نەکەن و بێ دەنگ نەبن ژ ئاستێ ڤان هەمی زولم و نەحەقیا بەرامبەر خەلکێ و وەلاتیان دهێتەکرن ژبەر کو دنها دا خەلکێ هەرێما کوردستانێ دخراپترین رەوش دا ژیانێ دکەن وەکو د ڕاگەهاندنێ دا ئاماژە پێ هاتیەکرن.

ئەڤ ڕاگەهاندنە پشی وێ چەندی دهێت ل رۆژا ٨ێ ڤێ مەهێ شاسوار عەبدولواحید سەرۆکێ ڤەلڤینا نەوەی نوێ د پەیامەکێ دا داخاز ژ خەلکێ و ئالیێن هەرێمی کر ژبەر بێ منەتی یا دەسهەلاتدارین هەرێمێ ژرەوشا خراب بچنە سەر جادەیان و داخازا مافێ خۆ بکەن.