سەرنووچە:

لیژنەیا یاساییا پەرلەمانێ عێراقێ: لهەڤهاتن بۆ بابەتێ فرەبازنەییا هەلبژارتنان نەهاتیە کرن

فۆتۆ: 
2020-08-09

159 جار خوێندراوەتەوە

ئەندامەکێ لیژنەیا یاسایی ل پەرلەمانێ عێراقێ ڕاگەهاند، هەیا نها چ لهەڤهاتنەکا داویێ د ناڤبەرا فراکسیۆنان و هەیا کو د ناڤا لیژنەیا یاسایی ژی لسەر ناڤەرۆکا سیستەما فرەبازنەییا هەلبژارتنان نەهاتیە کرن.

محه‌مه‌د غزى ئەندامێ لیژنەیا یاسایی ل پەرلەمانێ عێراقێ د داخۆیانیەکێ دا بەحسکریە، سێ نێرین دەربارەی یاسایا هەلبژارتنان و چاوانیا سیستەما فرەبازنەییێ بۆ هەلبژارتنێن داهاتی هەنە، لێ هەیا نها چ ژ وان نەهاتنە یەکئالیکرن.

زەلالکریە ژی، " بوچوونا یەکەم ب ئاراستەیا فرەبازنەییێ لسەر ئاستا باژارۆکان دچیت، لێ بوچوونا دوویەم ب ئاراستەیا وێ یەکێ یە، کو بۆ هەر پەرلەمنتارەکێ بازنەیەکا هەلبژارتنێ هەبیت، لگۆر ژمارەیا کورسیان".

ڕاگەهاند ژی، "بوچوونا سێیەم ئەوە کو بۆ هەر چار کورسیان یەک بازنەیا هەلبژارتنان هەبیت، لێ گۆتوبێژ هەیا نها د ناڤا فەرمانگەها یاسایی و جڤاتا نوونەران ژی دا یەکئالی نەبوویە، کا گەلو کیژان بژاردە بهێتە دیار کرن".

بەحسا وێ یەکێ ژی کریە، دبیت ئەڤ سێ بژاردە بۆ پەرلەمانی بهێنە شاندن، ژ بۆ کو دەنگ لسەر یەک ژ وان بژاردەیان بهێتە دان.

م.ن

‌بەپەلە