سەرنووچە:

عێراقێ ھوورکاریا سەردانا کازمی بۆ ئەمریکا ئاشکراکر

فۆتۆ: 
2020-08-08

372 جار خوێندراوەتەوە

نڤیسینگەھا سەرۆک وەزیرێن عێراقێ ھوورکاریا سەردانا کازمی بۆ ئەمریکا بەلاڤکر و تێدا ھاتیە، د حەفتیا داھاتی دا دێ کازمی سەردانا ئەمریکا کەت و دێ دگەل دۆنالد ترەمپ جڤیت.

نڤیسینگەھا سەرۆک وەزیرێن عێراقێ د ڕاگەھاندنەکێ دا نووچەیا کۆچکا سپی دەربارەی سەردانا مستەفا کازمی بۆ ئەمریکا پشتراستکریە و تێدا ھاتیە،"  د ۲۰ێ ڤێ مەھێ دا مستەفا کازمی دگەل شاندەکێ بلند دێ سەردانا واشنتۆن کەت و دێ دگەل دۆنالد ترەمپ سەرۆکێ ئەمریکا جڤیت".

ئاماژەکریە ژی، " د جڤینێ دا دێ بەحسا ھند مژارێن گرنگ کەن ، دبیت چاوانیا بھێزکرنا پەیوەندیێن ھەردوو ئالیان و ھەڤکاریێن ھەڤبەشێن عێراق و ئەمریکا د بیاڤێن ئاسایش و وزە ، ساخلەمی ئابوری و وەبەرئینانێ بھێن بەحسکرن".

ئاشکراکریە ژی، " د تەوەرەکێ دی دا ترەمپ و کازمی دێ بەحسا رێکارێن بەرھنگاربوونا ڤایرۆسێ کۆرۆنایا نوو کەن".