سەرنووچە:

ڤیدیۆ.. بۆ پشتەڤانیکرنا هەردوو خوشکان خرڤەبوونەک ل زاخۆ هاتە لدارخسن

فۆتۆ: 
2020-08-07

668 جار خوێندراوەتەوە

ئێڤاریا ئەڤرۆ نێزیکی ١٠٠ گەنجێن قەزا زاخۆ وەک پشتەڤانیکرن بۆ هەردوو خوشکێن وێ قەزایێ کو لسەر ژیان ژ دەستدانا دایکا خۆ ئاخڤتبوون و دیڤدا گەف لێ هاتبوونوکرن، خڕڤەبوونەک هاتە لدارخستن.

نووچەگەهانێن ئێن ئاڕ تی ڕاگەهاندن، ئێڤاریا ئەڤرۆ دووشەمبێ، ٧ێ تەباخا ٢٠٢٠ێ، نێزیکی ١٠٠ گەنجێن زاخۆ وەک پشتەڤانیکرنا هەردوو خوشکان خرڤبوونەک لدارخستن، کو بەریا دوو رۆژان لسەر چیرۆکا ژیان ژ دەستدانا دایکا خۆ بۆ چەند کەنالێن ڕاگەهاندنێ ئاخفتن و زێدەباری ژیان ژ دەستدانا دایکا وان، هەر د نەخۆشخانەیێ ژی دا، گەف لێ هاتبوونەکرن.

بەحسا وێیەکێ ژی کرن، ئەو ١٠٠ گەنج  ب ڕێپیڤان ل پرا دەلال هەیا پارکا شەهیدان یا سەنتەرێ باژاڕی چووینە، لێ دەملدەست ژ ئالیێ هێزێن ئاسایشێ بەلاڤە پێهاتیەکرن و ١٥ ژ وانا هاتنە دەستەسەرکرن و لێ دیڤدا ٨کەس هاتنە بەردان و تنێ ٧ کەس دگرتی ماینە.

بەریا دوو رۆژان، ل باژارێ دهۆکێ ژن و زەلامەک توشی کۆرۆنایێ ببوون، لێ ژبەر نەدانا ئۆسجینێ ب ژنێ ژیانا خۆ ژ دەستدا، دیڤدا ب ئاوایەکێ تراژیدی دوو خوشکان ئانکۆ کچێن وێ ژنێ، بەحسا ژیان ژ دەستدانا دایکا خۆکرن و دیارکرن، دایکا وان ژبەر نەدانا ئۆکسجینێ ژیانا خۆ ژ دەستدایە، ڤێ یەکێ ژی کارڤەدانێن مەزن لسەر تاسەری هەرێما کوردستانێ ب دیڤخۆ دا ئینان.