سەرنووچە:

د بوویەرەکا هاتن و چوونێ دا سێ کەسێن یەک مالباتێ ژیانا خۆ ژ دەستدان

فۆتۆ: 
2020-08-07

351 جار خوێندراوەتەوە

نووچەگەهانێ ئێن ئاڕ تی راگەهاند، د بوویەرەکا هاتن و چوونێ دا لسەر ڕێیا کۆیە - هەولێر سێ کەسێن یەک مالباتێ کو پێکهاتنە ژ  دایک و باب و زارۆکەکی وان ژیانا خۆ ژ دەستداینە.

ئومێد چۆمانی، نوچەگەهانێ ئێن ئاڕ تی بەحسا وێیەکێ ژی کر،" ئەو کەسێ ب هەڤژین و زارۆکێ خۆ ژیان ژدەستدای، ناڤی ئەحمەد عەزیزە و ناڤبژیوانێ (حەکەم) یاریا تەپا پێیە ل کوردستانێ".

د دەمێن دەربازبووی دا، پەیڤدارێ هاتن و چوونا هەرێمێ ڕاگەهاند، ژ ٢٠١٩ێ، زێدەتری ٤هزار و ٤٠٠ بوویەرێن هاتن و چوونێ ل هەرێمێ چێبووینە و ب وان سەدەمان ژی ٥٥٧  کەسان ژیانا خۆ ژ دەستداینە و زێدەتری ٦هزار ٨٠٠ کەس ژی برینداربوونە.