سەرنووچە:

سەرۆک وەزیرێن عێراقێ: دێ مووچەیێ سێ مەهێن فەرمانبەرێن بەنداڤێن هەرێمێ هێتە خەرجکرن

فۆتۆ: 
2020-08-06

3113 جار خوێندراوەتەوە

سەرۆککوزیرێن عێراقێ بڕیاردا مووچەیێ فەرمانبەرێن بەنداڤێن هەرێما کوردستانێ بهێتەدان و میلاکێن وان ژی ل ٤ێ تەباخێ بۆ سەر وەزارەتا ژێدەرێن ئاڤێ یا حکومەتا فیدڕال بهێتە ڤەگوهاستن.

لگۆرەی نڤیسارەکا فەرمی ئەمینداریەتیا جڤاتا وەزیرێن عێراقێ، مستەفا کازمی فەرمان ب وەزارەتا دارایی کریە  کو مووچەیێ مەها چار، پێنج و شەشێ کارمەندێن بەنداڤێن هەرێمێ خەرج بکەت.

هاتیە ژی، د مەهێن داهاتی ژی دا، مووچەیێ وان کارمەندان بهێتە پارڤەکرن و میلاکێن وان ژی بۆ سەر وەزارەتا ژێدەرێن ئاڤێ  یا حکومەتا فیدڕال بهێتە ڤەگوهاستن.

بەحسا وێیەکێ ژی هاتیەکرن، ئەو پارەی کو بۆ مووچەیێ فەرمانبەرێن هەرێمێ دهێتە خەرجکرن، دیڤدا د دەمێ شاندنا شایستەیێن دارایی یێ هەرێمێ بهێتە ڕێکخستن.

د ڕۆژێن دەربازبووی دا، فەرمانبەرێن بەنداڤێن هەرێمێ ل دژی خەرجنەکرنا مووچەیێن وان و یەکلابوونا چارەنڤیسا وان د ناڤبەرا حکومەتا بەغدا و هەرێمێ گرەڤ ژ کارێن خۆ گرتبوون

دێ هێتە نووکرن..