سەرنووچە:

ژوورا ئۆپراسیۆنا دهۆک: نوژدارێن ددانان و کلینیک و تاقیگەھـ دێ ب ڤەکری مینن

فۆتۆ: 
2020-08-04

5531 جار خوێندراوەتەوە

ژوورا ئۆپراسیۆنا بەرهەنگابوونا کۆرۆنایێ دهۆکێ ڕاگەهاند، ب مەرەما درۆستنەبوونا قەرەبالغیێ و گڤاشتنان لسەر نەخۆشخانەیێن حکومێ بڕیارهاتەدان کلینیکێن نوژداری و تاقیگەھ و نوژدارێن ددانا ب ڤەکری بمینن.

هاتیە ژی، ئەڤ بڕیارە ژبەرهندێ یە کو هەژمارەکا نەخۆشخانەیێن حکومەتی بۆ چارەسەکرنا توشبوویێن کۆرۆنایێ هاتنە بکارئینان.

هەر دووهی دووشەمبێ، ب بریارا ژورا ئۆپەراسیۆنا بەرهەنگاربوونا کۆرۆنایێ ل دهۆکێ بڕیاردا، دەواما فەرمانگەهێن ساخلەمیێ ل ٣ێ ڤێ مەهێ هەیا ١٥ ڤێ مەهێ بهێتە ڕاگرتن.

ئەڤە د دەمەکێ دایە، کو هەر ئێڤاریا دوهی دووشەمبێ، وەزارەتا ناڤخۆیا هەرێمێ چەند بڕیارێن نوو دەرکرن و کو تێدا، بڕیارهاتیە دان ب داخستنا جهێن گەشتیاری و پارک و کافتریا و چایخانەیان، هەروەسا دەرازینکا ئیبراهیم خەلیل ژی بۆ دەمێ حەفتیەکێ  دێ ب ڕوویێ گەشتیاران دا هاتە داخستن.