سەرنووچە:

پەیڤدارێ دەرازینکا ئیبراهیم خەلیل زەلالکرن دا

فۆتۆ: 
2020-07-14

1714 جار خوێندراوەتەوە

لسەر دەرکرنا هەژمارەکا کرێکاران ژ کارێن وان پەیڤدارێ کۆمەلگەها دەرازینکا ئیبراهیم خەلیل زەلالکرن دا و دیارکر، ئەو نووچە دوورن ژ ڕاستیێ.

كامی کەمال پەیڤدارێ کۆمەلگەھا دەرازینکا نیڤدەولەتیا ئیبراھیم خەلیل بۆ ئێن ئاڕ تی ڕاگەهاند، " د چەند لاپەرەیێن تورێن جڤاکی یێن فەیسبووکێ بەلاڤبوویە، کو پێنج سەد کرێکار ل کۆمەلگەھا ئیبراھیم خەلیل ژ کارێن وان دێ ھێنە دوورخستن و ل شوینا وان دێ دەلیڤەیا کاری بۆ خەلکەکێ دی ل خالا پشکنینا (سێجێ) ھێتە رەخساندن و دیار کر، ئەو نووچە دوورن ژ ڕاستیێ و ڕەتدکەین ".

بەحسا وێیەکێ ژی کر، " هەموو دەمان رێڤەبەریا کۆمەلگەھا ئیبراھیم خەلیل کار بۆ وێ چەندێ کرییە، کو پترین دەلیڤەیێن کاری بۆ خەلکێ دەڤەرێ ب گشتی و ب تایبەت خەلکێ قەزا زاخۆ بھێتە رەخساندن".

ئەڤە د دەمەکێ دایە، چەندین ڕۆژێن دەربازبووی دا، ل سنورێ پارێزگەها دهۆکێ بەحسا دوورخستنا ٥٠٠ کرێکاران ژ کارێن وان ل دەرازینکا نێڤدەولەتیا ئیبراهیم خەلیل دهێتەکرن و چەندین نووچەژی لسەر وی بابەتی د تۆرێن جڤاکی دا هاتبوون بەلاڤکرن، ڤێ یەکێ ژی کارڤەدان و دلگرانیا خەلکێ سنورێ قەزا زاخۆ لپەیخۆ دا ئینابوون.

بێوار حلمی، دهۆک