سەرنووچە:

لیژنەیا بلندا بەرهەنگاربوونا کۆرۆنایێ ل هەرێمێ چەند بریارێن نوو دەرکرن

قەدەغەیا هاتن و چوونێ هاتە درێژکرن
فۆتۆ: 
2020-07-13

958 جار خوێندراوەتەوە

لیژنەیا بلندا بەرهەنگاربوونا ڤایرۆسێ کۆرۆنایێ ڕاگەهاند، قەدەغەیا هاتن و چوونێ دێ هێتە درێژکرن، دبێژیت ژی، "گەشتێن ئەسمانی هەیا ٢٢ێ ڤێ مەهێ دێ هێنە ڕاگرتن".

ئەڤرۆ دووشەمبیێ، پشتی جڤینا لیژنەیا بلندا بەرهەنگاربوونا ڤایرۆسێ کۆرۆنایێ، کۆمەکا بڕيارێن نوو دەرکرن.

دەقێ بڕیاران:

١. بەردەوامبوونا هەردوو وەزارەتێن ساخلەمیێ و ناڤخۆ لسەر دەرکرنا ڕێکارێن خۆپارێزیێ و ڕێنمایێن ساخلەمیێ یێن پێدڤی بۆ بەرهەنگاربوونا ڤایرۆسێ کۆرۆنایێ و سەپاندنا بکارئینانا ماسک و دەستکێشان و تێکهەلنەبوونێ د جهێن گشتی و وەزارەت و فەرمانگەهێن حکومی دا، هەروەسا دیڤداچوونێ بۆ وان بڕیارێن کو بەرێ دەرچووینە بکەن و بنپێکاران سزا بدەن.

٢. بەردەوامبوونا قەدەغەیا هاتن و چوونێ د ناڤبەرا باژاڕان و د ناڤبەرا پارێزگەهان دا ژ وی دەمیڤە کو ژ ئالیێ ژوورا ئۆپەراسیۆنێن پارێزگەهان هاتیە ڕاگەهاندن، هەروەسا درێژەپێدان ب داخستنا جهێن گشتی.

٣. گەشتێن ئەسمانی هەیا ٢٢ێ ڤێ مەهێ دێ هێنە ڕاگرتن و دیڤدا ب هەڤبەندی دگەل حکومەتا فیدرال بڕیارا پیدڤی دەربارەی وێ یەکێ دهێتەدان و ب لبەرچاڤگرتنا ڕێکار و ڕێنمایێن ساخلەمیێ.

٤. وەزارەتا ڕۆشنبیری و لاوان و فەرمانگەها میدیا و زانیاریی د کڤانێ بڕیار و ڕێنمایێن وەزارەتا ساخلەمیێ دا، هاتنە ئەرکدارکرن بۆ بەردەوامبوون و پێشڤەبرنا هەوا هۆشیارکرنا وەلاتیان بۆ پێگیربوون ب ڕێنمایێن ساخلەمیێ و ڕێکارێن خۆپارێزیێ ب هەڤکاری و هەڤبەندی دگەل دەزگەهێن ڕاگەهاندنا هەرێما کوردستانێ.

س.م