سەرنووچە:

پارێزگارێ ھەولێرێ دەربارەی وەرگرتنا ٥۰ ھزار دیناران زەلالکرن دا

فۆتۆ: 
2020-07-13

506 جار خوێندراوەتەوە

نڤیسینگەها فەرسەت سۆفی پارێزگارێ هەولێرێ د زەلالکرنەکێ دا ڕاگەهاند، "ژ ئالیێ هندەک کەس و میدیایان ڤە لێکدانێن شاشێن ب مەرەم بۆ ئاخافتنێن پارێزگارێ هەولێرێ هاتنە کرن، کو ئەڤرۆ د کۆنفرانسەکا ڕۆژنامەڤانی دا لسەر هاتنا ژوورا خەلکێن پارێزگەهێن دیێن عێراقێ بۆ پارێزگەها هەولێرێ کربوون".

دیارکریە ژی، "پارێزگارێ هەولێرێ گەلەک ب زەلالی ڕاگەهاند، (ژپێخەمەت کارئاسانیا هاتنە ژوورا وەلاتیێن باژاڕێن دیێن عێراقێ ژبلی پارێزگەهێن هەرێما کوردستانێ، ژوورا ئۆپەراسیۆنێن پارێزگەها هەولێرێ ب هەڤبەندی دگەل ڕێڤەبەریا گشتیا ساخلەمیا هەولێرێ، مژیلی دارشتنا میکانزمەکێنە ژبۆ کو ئەو خەلکە بکاربن بهێنە ناڤ باژاڕێ هەولێرێ ب مەرجێ ئەنجامدانا پشکنینا نۆژداری لسەر ئەرکێ خۆ و ب بهایەکێ گونجایی".

بەحسا وێ یەکێ ژی کریە، "ئەڤە هەم بۆ کارئاسانیا وەلاتیان و هەم بۆ پەرەپێدانا ڤەلڤینێن بازرگانی و نەڕاوەستیانا کاروکاسبیا خەلکیە".

دایەزانین ژی، "ژبەر ڤێ یەکێ هەر چ تشتێ دی دهێتە گوتن ژبلی ئەڤا هاتی بەحسکرن دوورە ژ ڕاستیێ و مەرەم تنێ لێ بەلاڤکرنا چەواشەکاری و ژ ڕێ دەرخستنا ڕاستیانە".

س.م