سەرنووچە:

پێشمەرگەی ڕێگری ژ هێزەکا عێراقی کر

فۆتۆ: 
2020-07-13

2498 جار خوێندراوەتەوە

نووچەگەهانێ ئێن ئاڕ تی ڕاگەهاند، هێزەکا عێراقی ب مەرەما بنەجهبوونێ ل بازگەهەکا باشورێ قەزا کفری چووینە وێ دەڤەرێ، لێ ژ ئالیێ هێزێن پێشمەرگە و ئاسایشێ ڤە ڕێگری لێ هاتیە کرن.

گەرمیان حەمەی پور نووچەگەهانێ ئێن ئاڕ تی ل گەرمیان ڕاگەهاند، هێزێن عێراقی پێکهاتنە ژ پۆلیسێن فیدرال و دژە تیرۆرا عێراقی، د کڤانێ ئۆپەراسیۆنەکێ دا بۆ بەرهەنگاربوونا داعشێ هاتنە وێ دەڤەرێ و دخوازن ل زالگەهەکا پۆلیسان ل دەڤەرا کارێز ل ژێریا باژاڕێ کفری بنەجهـ ببن.

دیارکریە ژی، ئاسایش و پێشمەرگە دگەل وان هێزێن عێراقی جڤیانە و گوتنە وان، ئەو ڕێنادەن ل وی جهی بنەجهـ ببن، ژبەر کو ئەو سنورە دبن دەستهەلاتا وان دایە.

هەڤدەم، د گرتەیەکا ڤیدیۆی دا، بەرپرسێ میحوەرێ گەرمەسێر یێ پێشمەرگەی، ب تەلەفۆنێ پەیامێ بۆ وێ هێزێ دشینیت و دبێژیت، ئەگەر نەچنە جهێ خۆ دێ شەڕ دەستپێکەت، دبێژیت ژی، وان دەردورا وان هێزان گرتیە و پێدڤیە هەلویستێ خۆ دیاربکەن کا گەلو بۆ شەڕی هاتنە یان نە.

س.م