سەرنووچە:

وەزارەتا دارایی زەلالکرنەک بەلاڤکر

فۆتۆ: 
2020-07-13

2303 جار خوێندراوەتەوە

وەزارەتا داراییا هەرێمێ دەربارەی درێژکرنا خزمەتا چەند دادوەران ڕاگەهاند، "ئەم بەرهەڤ نینە دبن چ هێجەتەکێ دا بڕیار و کارێن نەیاسایی دەرباز بکەین".

د زەلالکرنەکێ دا وەزارەتا دارایی ڕاگەهاند، "دەمەکە ژ ئالیێ هندەک دادوەر و پارێزەر و کەسایەتی و میدیاکارێن بەرێز ڤە پرسیار ل مە دهێتەکرن دەربارەی درێژکرنا دەما خزمەتا چەند دادوەران".

دیارکر ژی، "ئەم بۆ هەموو ئالیان ڕادگەهینین کو چ نڤیسارەک و داخوازیەکا ل وی بابەتی بۆ وەزارەتا دارایی و ئابوری نەهاتیە".

هەروەسا دبێژیت، "وەزارەتا دارایی و ئابوری بەرهەڤ نینە دبن چ هێجەتەکێ دا بڕیار و کارێن نەیاسایی دەربازبکەت".

ڕۆژا ٦ێ ڤێ مەهێ دادوەر لەتیف مستەفا ڕاگەهاند، د ڤێ کەرەنتینەیێ دا جڤاتا دادوەری بێ پشتەڤانیا یاسایی بڕیاردایە ب درێژکرنا دەما خزمەتا پێنج دادوەران کو تەمەنێ خانەنشینیا وان ئانکو ٦٥ سالیا خۆ تەمامکرنە.

س.م