سەرنووچە:

سەرۆكێ حكومەتێ دەربارەی جێبجێكرنا چاكسازیێ د وەزارەتا پێشمەرگەی دا چەند بڕیارێن نوو دەركرن

فۆتۆ: 
2020-07-12

556 جار خوێندراوەتەوە

سەرۆكێ حكومەتا هەرێمێ سەرپەرشتیا جڤینەكا تایبەت ب چاكسازیێ ل وەزارەتا پێشمەرگەی كر و بریاردا، لگۆرەی پلانەكا زەمەنی هەموو وان بابەتێن گرێداینە ب چاكسازیێ بهێنە جیبجیكرن.

 جڤین ب پشكداریا شۆرش ئیسماعیل وەزیرێ پێشمەرگە و جەمال ئیمینكی سوپاسالارێ پیشمەرگە و جەبار یاوەر ئەمیندارێ گشتیێ وەزارەتا پێشمەرگەی و چەند بەرپرسێن دییێن سەربازی برێڤەچوو.

لگۆرەی نووچەیەكا نڤیسینگەها  رۆژنامەڤانیا سەرۆكێ حكومەتا هەرێمێ د جڤینێ دا، وەزیرێ پێشمەرگەی بەحس ژ پێنگاڤێن برێڤەچوونا  پرۆسەیا چاكسازیێ ل وەزارەتا پێشمەرگە و پێدڤیێن جیبجیكرن و سەرخەستنا پرۆسەیێ كریە.

ئەو ژی هاتیە، پشتی گوتوبێژكرن لسەر تەوەرێن گرێدایی ب چاكسازیێ ل وەزارەتا پێشمەرگەی ژ ئالیێ ئامادەبوویان، بریار هاتەدان لگۆرەی پلانەكا زەمەنی هەموو ئەو بابەتێن گرێداینە ب چاكسازیێ بهێنە جیبجیكرن د بیاڤێن یەكخستن و ڕێكخستنا یەكەیێن ژمێریاری وڕێكخستنا هەیكەلیەت ومیلاكا وەزارەتێ و پلەیێن سەربازی و بابەتێن خانەنشینیێ و دۆسیێن شەهیدان و كێمئەندامان لگۆرەی یاسایا چاكسازیێ و پرۆژەیێ هەڤبەشێ هەڤپەیمانان و وەزارەتا پێشمەرگەی.