سەرنووچە:

پاپایێ ڤاتیکانێ دلگرانیا خۆ لسەر گۆهەڕتنا ئایاسۆفیایێ بۆ مزگەفتێ نیشاندا

فۆتۆ: 
2020-07-12

208 جار خوێندراوەتەوە

پاپایێ ڤاتیکانێ لهەمبەر گۆهەڕتنا مۆزەخانەیا ئایاسۆفیا بۆ مزگەفتێ ژ ئالیێ حکومەتا تورکیاڤە لدگرانیا خۆ نیشاندا.

ئەڤرۆ یەکشەمبیێ پاپایێ ڤاتیکانێ بۆ یەکەمجار لسەر ئایاسۆفیایێ هاتەدەنگ و دلگرانیا خۆ نیشاندا، کو ژ ئالیێ رەجەب تەیب ئەردۆغان سەرۆکێ تورکیا ڤە بڕیار لسەر گۆهەڕتن بۆ مزگەفتێ هاتەدان.

هەڤدەم، ئەڤ بڕیارە بوویە سەدەما تۆڕەکرنا هەژمارەک ژ ولاتێن جیهانێ و د سەرێ ڕێزێ دا ژی ئەمریکا هەیە کو بێهیڤیبوونا خۆ لهەمبەر نیشاندا.

ئایاسۆفیا یان هاجیا سۆفیا کەنیسەکا کەڤنا ئاینیا مەسیحیەتێیە کو پشتی گرتنا ئستەنبولێ ب دەستێ ئیمپراتۆریەتا عوسمانی بۆ مزگەفتێ هاتە گۆهەڕتن، ل سالا ١٩٣٥ڤەیە وەک مۆزەخانە بکاردهێت، ل سالا ٢٠١٤ێ ژی پاپا فرانسیس د دەما سەرەدانا خۆ دا بۆ تورکیا سەرەدانا وێ ژی کر و داخوازکر دووبارە بکەنەڤ کەنیسە.