سەرنووچە:

هەژمارەک سه‌رۆك باژێرڤانیێن پارێزگه‌ها دهۆكێ‌ دێ‌ هێنه‌ گۆهەڕتن

فۆتۆ: 
2020-07-12

1323 جار خوێندراوەتەوە

رێڤه‌به‌رێ‌ گشتیێ‌ باژێرڤانیان ل پارێزگه‌ها دهۆكێ‌ راگه‌هاند، به‌رهه‌ڤی بۆ گۆهەڕتنا هەژمارەک سه‌رۆك باژێرڤانیان ل سنورێ‌ رێڤه‌به‌ریا گشتیا باژێرڤانیان دهێنه‌ كرن.

دیار به‌حری ره‌سول، رێڤه‌به‌رێ‌ گشتیێ‌ باژێرڤانیان ل پارێزگه‌ها دهۆكێ‌ بۆ ئێن ئاڕ تی ڕاگەهاند، ل گۆره‌ی بڕیارا سه‌رۆكێ‌ حکومه‌تا هه‌رێما كوردستانێ‌ دێ‌ گۆهەڕتن د گه‌له‌ك پۆستان دا هێته‌ كرن و نوكه‌ ئەو وه‌كو رێڤه‌به‌ریا گشتی بەرهەڤیان دکەن و هه‌لسه‌نگاندنا وان باژێرڤانیان دكه‌ن یێن كارێ‌ خۆ‌ ب دروستی ئه‌نجامدای، ٤٧ باژێرڤانی ل سنورێ‌ رێڤه‌به‌ریا گشتی هه‌نه‌ و هنده‌ك هه‌نه‌ ماوه‌یه‌كێ‌ درێژه‌ د پۆستێ‌ خۆ‌ دا ماینه‌ و پێدڤی ب گۆهەڕتنێ نە.

دیارکر ژی، کو "مه‌رج نینه‌ گه‌له‌ك ل سه‌ر پۆستێ‌ خۆ‌ مابیت، به‌لێ‌ مه‌رج ئه‌وه‌ كاره‌كێ‌ باش كربیت، ره‌نگه‌ هه‌بن ماوه‌یه‌كێ‌ كورت ژی د پۆستی دا نه‌، به‌لێ‌ كارێ‌ خۆ ب شێوه‌یه‌كێ‌ پێدڤی ئه‌نجام نه‌دایه‌ و یێ‌ سه‌ركه‌فتی نه‌بوویه‌ و نها به‌رهه‌ڤی دهێنه‌ كرن و سه‌رۆكێ‌ باژێرڤانیا زاخۆ ژی دێ‌ هێته‌ گۆهەڕتن.

بەحسا وێ یەکێ ژی کر، کو ئەڤ گۆهەڕتنە دهێنەکرن نەک بۆ لەهڤگۆهڕینا سەروچاڤان بەلکو هندەک کەسێن نووی و خودان شیان دێ جهێن وان گرن.

ئەڤە ژی دەمەکێ دایە، گۆهەڕتنا پۆستێن ئیداری ل سنورێ پاریزگەها دهۆکێ بەردەوامی هەیە و پێشتر ژی پارێزگارێ دهۆکێ و هەژمارەک ڕێڤەبەرێن گشتی ژی هاتنە گۆهڕین.

تائیف گۆران-دهۆک

س.م