سەرنووچە:

عێراق وان ڕێیێن کو دکاریت ل دژی تورکیا بکاربینیت ئاشکرا دکەت

ژبەر بنپێکرنا سەروەریا ئاخا عێراقێ
فۆتۆ: 
2020-07-12

1271 جار خوێندراوەتەوە

وەزارەتا دەرڤە یا عێراقێ ڕاگەھاند، ئەوا تورکیا دکەت بنپێکرنا سەروەریا عێراقێیە و دبێژیت، " دکارین کارتا لھەڤگۆھەرتنا بازرگانیێ یا ناڤبەرا مە بکاربینین ، کو سالانە زێدەتر ۱٦ ملیار دۆلار مفای ب تورکیا دگەھینیت".

ئەحمەد سەحاف پەیڤدارێ وەزارەتا دەرڤە یا عێراقێ د چاڤپێکەفتنەکێ دا ڕاگەھاند، " مافێ مەیە داخوازا پشتەڤانیا ناڤدەولەتی و جڤینا جڤاتا ئاسایشێ بکەین و ئەگەر ھەیە عێراق داخۆازا جڤینا بلەز یا وەزیرێن دەرڤە یێن کۆمکارا عەرەبی و رێکخراوێن ھەڤکاری یێن ئیسلامی بکەت ، تا کو بەرەڤانیێ ل سەروەریا ئاخا خۆ بکەت".

ئاماژەکریە ژی،  ئەو ئالوزیێن لسەر سنوری بۆ چ ئالیەکێ باش نابیت ، دبێژیت ژی، " مە داخۆاز ل کۆمەلگەھا ناڤدەولەتی کریە بۆ پاراستنا سەروەریا عێراقێ پشتەڤانیا مە بکەت".

دیار کر ژی، " یاسایێن ناڤدەولەتی پشتراستیێ ب عێراقێ ددەن کو مافێ بەرسڤدانێ ھەبیت و دکارین ل جڤاتا ئاسایش و کۆمکارا عەرەبی و رێکخراوێن ئیسلامی ژی پشتەڤانیێ بدەست بێخین".

بەحسکر ژی، دکارین کارتا لھەڤگۆھەرتنا بازڕگانیا ناڤبەرا مە دا بکار بینین ، کو سالانە تورکیا زێدەتر ۱٦ ملیار دولاران قازانج دکەت.