سەرنووچە:

داخواز ل سەرۆک وەزیرێ بەریتانیا دھێتە کرن داخۆازا لێبورینێ بکەت

فۆتۆ: 
2020-07-11

198 جار خوێندراوەتەوە

ب سەدەما گوتنەکا سەرۆک وەزیرێ بەریتانیا لسەر موسلمانان کو دیرۆکا وێ بۆ سالا ۱۹۹۷ێ ڤەدگەریت ، داخۆاز لێ ھاتیە کرن داخوازا لێبورینێ بکەت.

رۆپەلا بی بی سی بەلاڤکریە ، د سالا ۱۹۹۷ێ دا بۆریس جۆنسن سەرۆک وەزیرێ بەریتانیا گۆتارەک دەربارەی کۆمکۆژیا موسلمانێن بۆسنە ژ ئالیێ سربیاڤە بۆ رۆژنامەیا تەلەگراف یا  ولاتێ خۆ نڤیسیبوو و تێدا اتبوو، " چارەنووسا موسلمانێن سرەبرینیکا ب خەم دبوو ، لێ ئەو موسلمان فریشتە نەبوون".

ئاماژە ھاتیە کرن ژی، ب سەدەما وێ نڤیسێ ، زێدەتر ۱۰ رێکخراوێن ئیسلامی یێن بەریتانیا و ۳۰ پەرلەمانتارێن پارتا کرێکارێن وی ولاتی داخۆاز ل بۆریس جۆنسن کریە داخوازا لێبورینێ بکەت.

ژ ئالیەکێ دی ڤە جڤاتا وەزیرن بەریتانیا د راگەھاندنەکێ دا ئاماژە کریە ،  ئەو گۆتنێن بۆریس جۆنسن ل دەقەیێ وێ ھاتیە دەرئینان و واتایەکا دی پێ ھاتیە دان.

راگەھاندیە ژی، کو سەرۆک وەزیرێ بەریتانیا ۲٥ سالن کۆمکۆژیا باژارۆکێ سرەبرینیکا شەرمزار دکەت و ب یەک ژ خرابترین تاوانێن دیرۆکێ دزانیت.