سەرنووچە:

کازمی: ڕێ نادەن ل دەرازینکێن سنوری مولکێ گشتی بهێتە دزین

فۆتۆ: 
2020-07-11

519 جار خوێندراوەتەوە

پشتی کۆنترۆلکرنا دەرازینکا مونزریێ یا دیالە ژ ئالیێ هێزێن بەرسڤدا بلەز سەرۆککوەزیرێن عێراقێ سەرەدانا وێ دەرازینکێ کر و ڕاگەهاند، ڕێیێ ب دزینا سامانێ گشتی د دەرازینکێن سنوری نادەن.

مستەفا کازمی د کۆنفرانسەکا ڕۆژنامەڤانی دا ڕاگەهاند، پەیاما وان بۆ هەموو گەندەلکاران زەلال و ئەشکەرایە، د دەمێن بهێت دێ چاڤدێریا خالێن سنورییان دهێنە تونترکرن و تەڤاهیا ئالیێن دەولەتێ کار لسەر بەرهەنگاربوونا گەندەلیێ دکەن.

ئاماژە ب وێیەکێ ژی کر، " حکومەتێ پلانەکا تەمام بۆ بەرهەنگابوونا گەندەلیێ بەرهەڤکریە و بەرهەڤە ژی بۆ جێبجێکرنا وێ هەموو قوربانیەکێ بدەت".

بەحسا وێیەکێ ژی کر، دەستهەلات ب سەرۆکێن دەرازینکێن سنوری هاتیەدان بۆ بەرهەنگاربوونا گەندەلکاران ل تەڤاهیا دەرازینکێن سنوری.

سپێدەهیا ئەڤرۆ شەمبیێ ١١ێ تیرمەها ٢٠٢٠ێ، ئۆپراسیۆنێن هەڤبەشێن عێراقێ د ڕاگەهاندنەکێ دا ئاماژە ب وێیەکێ کر، ب فەرمانا مستەفا کازمی، (هێزێن بەرسڤدانا بلەز) دەست بسەرهەریەک ژ دەرازینکێن مەندەلێ و مەنزریە ل پارێزگەها دیالە دا گرتیە.