سەرنووچە:

هێزەکا نوو یا کوماندویێن ئارتێشا تورکیا ل سنورێ زاخۆ هاتە بنەجهکرن

فۆتۆ: 
2020-07-11

505 جار خوێندراوەتەوە

دوهی ھێزەکا نوویا کۆماندو یا سەر ب ئارتیشا تورکیا ل چیای شاخولێ نێزک ناحیە دەرکارێ جێگربوون.

زێرەڤان موسا رێڤەبەرێ ناحیا دەرکارێ تایبەت بۆ ئێن ئاڕ تی راگەھاند، دوھی ئێڤاری  ١٠ێ تیرمەها ٢٠٢٠ێ ھێزەکا کۆماندویا ئارتیشا ب ھێلکوپتەران ھاتنا ناڤا ئاخا ھەرێما کوردستانێ و ل چیاێ شاخولێ سنورێ ناحیا دەرکارێ دابەزین و هاتنە بنەجهکرن.

دازانین ژی، یەکەم جارە ئارتیشا تورکیا ڤی چیایی بنەجهدبیت، ژبەرکو ئەڤ چیایە نیزیکی سەنتەرێ ناحیا دەرکارێ یە، ب وێ سەدەمێ ژی ترس و نەرحەتی بۆ خەلکێ وێ ناحیێ گشتی دروستبوویە.

ھاتنا ڤێ ھێزی د دەمەکیدایە، دگەل ئۆپەرسیونا ١٥ مەھا دەربازبووی ل ھەر دوو ناحیێن دەرکارێ و باتیفا یێن گریدای قەزا زاخۆ ڤە، ئارتیشا تورکیا ب دەھان کێلومەترا ئاخا ھەرێما کوردستانێ دەربازکریە و ل چەندین جھان ژی ھێزین خۆ بنەجهکرینە.

ئەحمەد زاخۆی، زاخۆ