سەرنووچە:

ساخلەمیا هەرێمێ ئامارا ٢٤ دەمژمێرێن توشبوویێن کۆرۆنایێ راگەهاند

فۆتۆ: 
2020-07-09

224 جار خوێندراوەتەوە

وەزارەتا ساخلەمیا ھەرێمێ ڕاگەھاند، د دەما ۲٤ دەمژمێرێن دەربازبوویی دا ٢٩٨ حالەتێن نوویێن توشبوون ب کۆرۆنایێ و ٦٤ چێبوونەڤە، ١٢ ژیان ژدەستدان ھاتنە تۆمارکرن.

 ئەڤرۆ پێنجشەمبیێ وەزارەتا ساخلەمیا ھەرێمێ ڕاگەھاند، د دەما ۲٤ دەمژمێرێن دەربازبوویی دا ٢٩٨ حالەتێن نوویێن توشبوون ب کۆرۆنایێ ھاتنە تۆمارکرن، ب ئاوایەکێ ١٠٧ ل سلێمانی، ١٠٦ ل هەولێرێ، ٣٧ ل دەڤەرا گەرمیان، و ١٥ ژی ل دهۆکێ بوونە.

 دیارکریە ژی، "٦٤ کەسێن دی ژی ژ نەخۆشیێ چێبووینەڤە، ب ئاوایەکێ کو ٥٤ ل هەولێرێ، یەک ل گەرمیان، ٦ راپەرین و ٣ ل حەلەبجە بووینە.

 بەحسا وێ یەکێ ژی کریە، ١٢ حالەتێن ژیان ژدەستدانێ هاتنە تۆمارکرن کو چار ل هەولێرێ و حەفت ل سلێمانیێ و یەک ل گەرمیان بووینە.

 لگۆر داوی ئاماران، ھەیا نھا حەفت ھزار و ٧٢٦ حالەتێن توشبوون ب ڤایرۆسێ کۆرۆنایێ ل ھەرێمێ ھاتنە تۆمارکرن و ژ وێ ژمارێ ژی سێ هزار و ٧٢ کەس ژی ژ نەخۆشیێ چێبوونەڤە و ٢٩٤ کەسان ژی ژیانا خۆ ژدەستدانە.