سەرنووچە:

ساخلەمیا عێراقێ ئامارا ٢٤ دەمژمێرێن توشبوویێن کۆرۆنایێ راگەهاند

فۆتۆ: 
2020-07-09

175 جار خوێندراوەتەوە

وەزارەتا ساخلەمیا عێراقێ راگەهاند، د ٢٤ دەمژمێرێن دەربازبووی دا، هزار و ٨٧٦  حالەتێن توشبوون ب کۆرۆنایێ هزار و ٤٨٣ حالەتێن چێبوونەڤە و ٩٢ حالەتێن ژیان ژدەستدانێ هاتنە تومارکرن.

ئەڤرۆ چوارشەمبێ، وەزیرێ ژینگەهـ و ساخلەمیا عێراقێ راگەهاند، د ٢٤ دەمژمێرێن دەربازبووى دا، هزار و ٨٧٦ حالەتێن نوو یێن توشبوون ب کۆرۆنایێ هاتنە تومارکرن، ب ئاوایەکێ ٦٣٨ حالەت ل بەغدایا پایتەخت بووینە.

دازانین ژى، د وی دەمێ دیارکری دا  ٩٢ کەسان ژى ب ڤایرۆسێ کۆرۆنایێ ژیانا خۆ ژدەست دایە.

بەحس ژى کر، هزار و ٤٨٣ توشبوویێن دی ژى  ب تەمامی چێبووینەڤە و ڤەگەریاینە د ناڤ مالباتێن خۆ دا.

لدیف داوی ئامار هەیا نها ٦٩ هزار و ٦١٢ کەس ل عێراقێ توشی ڤایرۆسێ کۆرۆنایێ بووینە، ژ وێ هەژمارێ دوو هزار و ٨٨٢ کەسان ژیانا خۆ ژدەست داینە، ٣٩ هزار و ٥٠٢ کەس ل نەخوشیێ چێبووینەڤە.