سەرنووچە:

ل سلێمانیێ بەشەکا پێشمەرگەیێن دێرین خرڤەبوون

فۆتۆ: 
2020-07-09

203 جار خوێندراوەتەوە

نووچەگەهانێ ئێن ئار تی ڕاگەهاند، بەشەکا پێشمەرگەیێن دێرین لدژی پاشخستن و کێمکرنا مووچەی خرڤەبوون.

گۆران لقمان نووچەگەهانێ ئێن ئار تی ل سلێمانیێێ ڕاگەهاند، بەشەکا پێشمەرگەیێن دێرین لدژی پاشخستن و کێمکرنا مووچەی و خرابیا ڕەۆش و گۆزەرانا خۆ و وەلاتیان خرڤەبوون و داخۆاز دکەن مووچێن وان د دەمێ خۆدا و بێ کێمکرن بهێتە پارڤەکرن.

بەشداربوویەکێ خرڤەبوونێ ژی دبێژیت، " ئەم وەک دەستەیەکا پێشمەرگەیێن دێرین یێن نەرازی ناڤا یەکێتی نیشتیمانی کوردستان ، هاتینە ب دەستهەلاتێ بێژین ئێدی لسەر دزیێن هەوە بێدەنگ نابین ".

دبێژیت ژی، " ئەم د رامالینا دەستهەلاتا بەعس دا بەشداربووین و پاشان مە داوی ب وان ئینا، لێ نها دەستهەلاتا کوردی وەلاتیان و خەلکی تەپەسەر دەت".

ئەو یەک ژی دیارکر، " ئەم ب وێ دەستهەلاتێ دبێژین تنێ هەوە مەهەک مولەت هەیە ، پشتی وێ یەکێ  ئەو پێشمەرگێن لڤێرەنە و هزاران پێشمەرگێن دی دێ سەرهلدانەکا نوو بەرپاکەن".

پێشمەرگەکێ دی ژی بەحسکر، " رازی نابین نە مووچێ مە بهێتە پاشخستن  و نەژی بهێتە بڕین، گوت ژی، " مە جەماوەر دگەل دایە و ب دەستهەلاتێ دبێژین ئەڤە دوماهی جارە و هەیا کەنگی ب ڤی ئاوایی دێ بەردەوامبن".