سەرنووچە:

ل باتیفا مینەك ب هێزێن پاسەوانێن سنوریڤە پەقی

فۆتۆ: 
2020-07-09

478 جار خوێندراوەتەوە

ل سنورێ ناحیا باتیفا یا گرێدای قەزا زاخۆ مینەک ب یەکەیەکا هێزێن پاسەوانێن سنوری ڤە پەقی و پاسەوانەک ب دژواری برینداربوو.

نووچەگەهانێ ئێن ئاڕ تی ڕاگەهاند، ئەڤرۆ نێزیک دەمژمێر ١٠ێ سپێدێ ل دەڤەرا زرێزە یا ناحیەیا باتیفا مینەک ب یەکەیەکا هێزێن پاسەوانێن سنوریڤە پەقی و د ئەنجامێ دا پاسەوانەک ب دژواری برینداربوو و پیەکێ خۆ ژ دەستدا، ب مەرەما چارەسەریێ بۆ نەخۆشخانەیێن دهۆکێ هاتیە ڤەگوهاستن.

دیارکر ژی، هەبوونا مینان ل وان دەڤەران بۆ سەردەمێ ڕژێما بەعس ڤەدگەڕیت و هێشتا چەندین کیلۆمەتر ژ مینان نەهاتینە پاقژکرن، هەیا نها ژی بسەدەما وان مینان دەهان کەسان ژیانا خۆ ژدەستداینە و برینداربوونە.

د نها دا ڤەلڤین و جهگۆڕکێیا هێزێن پاسەوانێن سنوری زێدەبوویە ئەڤە ژی پشتی وێ یەکێ هات کو بەریا چەند ڕۆژان ب مەرەما ڕێگرتن ژ زێدەتر بەرفرەهبوونا شەڕێ تورکیا و پەکەکێ و تێکچوونا زێدەترا ڕەوشا گوندەوار و خەلکی، هێزێن پاسەوانێن سنوریێن عێراقێ ل چەندین دەڤەرێن نوویێن سنورێ ناحیەیێن دەرکارێ و باتیفا یێن گرێدایی قەزا زاخۆ هاتنە بەلاڤکرن.

بێوار حیلمی-دهۆک

س.م