سەرنووچە:

وەزارەتا کۆچا یۆنانێ ڕێژەیا کۆچبەرێن ئەڤسالە ئاشکراکر

فۆتۆ: 
2020-07-08

163 جار خوێندراوەتەوە

وەزارەتا کۆچ و کۆچبەرێن یۆنانێ راگەهاند، د شەش مەهێن دەستپێکا ئەڤسالە دا، پێلێن کۆچبەران بۆ گزیرتێن یۆنانێ ب ڕێژەیا سەدا ٥١ کێمکریە هەڤبەرکرن ب شەش مەهێن یەکەما سالا ٢٠١٩ێ.

 ستیلیۆس پێتساس پەیڤدارێ وەزارەتا کۆچا یۆنانێ ڕاگەهاند، د شەش مەهێن دەستپێکا ئەڤسالە کۆچکرن بۆ وی ولاتی بگشتی ب ڕێژەیا سەدا ٤٦ کێمکریە، ئەڤە ژی ژبەر بەلاڤبوونا ڤایرۆسێ کۆرۆنایێ د جیهانێ دا.

دیارکریە ژی، ڕێژەیا کۆچکرنێ ل چارێکا دوویێ یا ئەڤسال ئانکو مەها نیسانێ هەیا هەزیرانێ ب ڕێژەیا سەدا ٩٢ کێمکریە ب هەڤبەرکرن دگەل وی دەمێ سالا پار.

هەڤدەم، بڕیاردان لسەر داخوازیا مافێ پەنابەریێ ب ڕێژەیا سەدێ ٨٨ زێدەکریە، د شەش مەهێن یەکەمێن ئەڤسالە دا بڕیار لسەر زێدەتری ٤٦ هزار داخوازیان هاتیەدان، لێ د هەمان دەمێ سالا دەربازبوویی دا نێزیکی ٢٥ هزار داخوازیێن مافێ پەنابەریێ بڕیار لسەر هاتبوو دان.

هەروەسا ئەو داخوازیێن کو چاڤەڕێی پێداچوونێ بوون کێمکریە بۆ ١٠١ هزاران، لێ ل دەستپێکا ٢٠١٩ێ ١٤٠ هزار کەسان چاڤەڕێی یەکئالیکرنێ کریە.

س.م