سەرنووچە:

زڕدایکەکێ زارۆکێ خۆ یێ پێنج سالی کوشت

فۆتۆ: 
2020-07-08

865 جار خوێندراوەتەوە

جێگرێ کاروبارێن جڤاکی یێ پارێزگەها کرماشان ڕاگەهاند، وان زڕدایکەک دەستەسەرکریە ب تۆهمەتا کوشتنا زارۆکێ پێنج سالیێ هەڤژینێ خۆ.

محەمەد رەزا ئامویی دیارکر، ئەو هاتنە ئاگەهدارکرن کو زارۆکەک بناڤێ ژیار یێ تەمەن پێنج سالی ل گوندەکێ سەر ب باژاڕێ جوانڕۆ هاتیە کوشتن، پشتی وەرگرتنا ئاخافتنێن کەسوکارێن زارۆکی گومانا وان لسەر ئاخافتنێن زڕدایکا وی دروست بوونە و ڤەکۆلینێن زێدەتر دگەل دا کرنە.

دازانین ژی، تەمەنێ وێ ژنێ ٣١ سالن دەما نێزیکی سالەکێیە هەڤژینی دگەل بابێ ژیاری پێکئینایە، دانپێدان کریە کو هەبوونا وی زارۆکی ئاستەنگبوویە ل پێشیا حەژێکرنا هەڤژینێ وێ.

پۆلیسان ئەو یەک ژی ڕاگەهاندیە، کو زڕدایکێ دانپێدان لسەر کوشتنێ ژی کریە و گوتیە زارۆک بریە باخچەیەکێ و دەستپێکێ دەستێ خۆ دانایە سەر دەڤێ وی هەتا بێهۆشکریە و دیڤدا دەمارا دەستێ وی بڕیە و وەسا مریە، پشتڕا بۆ ڤەشارتنا تاوانا خۆ تەڕمێ زارۆکی د بلنداهیەکێ دا هاڤێتیە.

لگۆری میدیایێن ئیرانێ ژی، دایکا درستاهیا وی زارۆکی بەریا چەند سالان خۆ کوشتیە و دیڤدا بابێ وی هەڤژینی پێکئینایە و زارۆک ژی کو ل دەف باپیری بوو ئینایە دەف خۆ بۆ خودانکرنێ لێ ژ ئالیێ زڕدایکا وی ڤە بەریا چەند ڕۆژان هاتیە کوشتن.

س.م