سەرنووچە:

حاکم شێخ لەتیف: دەزگەهێن دی شاشیێن جڤاتا دادوەریێ ڕاستڤەدکەن

فۆتۆ: 
2020-07-08

174 جار خوێندراوەتەوە

حاکم شێخ لەتیف ڕاگەهاند، دەستەیا دەستپاقژیێ لسەر درێژکرنا خزمەتا دادوەران هاتیە سەر خەت و داخوازکریە ئەو فەرمان بهێتە هەلوەشاندن.

دادوەر لەتیف مستەفا د نڤیسارەکێ دا لسەر فەیسبووکێ خۆ ڕاگەهاندیە، "دەستخۆشیێ ژ دەستەیا دەستپاقژیا هەرێمێ دکەین، کو هاتیە سەر هێل و نڤیسارەک ئاراستەی جڤاتا دادوەری کریە و داخوازکریە، فەرمانا درێژکرنا خزمەتا دادوەران بهێتە هەلوەشاندن، ژبەر کو نەیاساییە و نابیت چ ئیلتیزامەکا دارای لێبکەڤیت".

دیارکریە ژی، "جڤاتا دادوەریێ کو پێدڤیە ل ئالیێ جیبجیکرنا یاسایێ بیت و شاشیێن دەزگەهێن دی ڕاستڤەبکەت، جهێ داخێیە شاشیێن وێ ژ ئالیێ دەزگەهێن دیڤە دهێنە ڕاستڤەکرن".

ڕۆژا ٦ێ ڤێ مەهێ دادوەر لەتیف مستەفا ڕاگەهاند، د ڤێ کەرەنتینەیێ دا جڤاتا دادوەری بێ پشتەڤانیا یاسایی بڕیاردایە ب درێژکرنا دەما خزمەتا پێنج دادوەران کو تەمەنێ وان خانەنشینی ئانکو ٦٥ سالی تەمام نەکریە.

س.م