سەرنووچە:

سەرۆكا پەرلەمانی: پاراستنا بەرهەمێ ناڤخۆی پێدڤی ب بڕیارا حكومەتێ یە

فۆتۆ: 
2020-07-07

227 جار خوێندراوەتەوە

سەرۆكا پەرلەمانا كوردستانێ ڕاگەهاند، پاراستنا بەرهەمی ناڤخۆیی بریارا حكومەتێ پێدڤیە بۆ بەرهەنگاربوونا نفوزا كۆمپانی و بازگارنیێن خودان دەستهەلات، دبیژیتن ژی" پاراستنا بەرهەمێ ناڤخۆ پێدڤی ب دەركرنا یاسایەكا تایبەتە".

ئەڤرۆ سێشەمبێ، رێواز فایەق، سەرۆكا پەرلەمانا كوردستانێ، د راگەهاندنەكێ دا ئاماژە ب وێیەكێ ژی كر، " گریا پاراستنا بەرهەمێ ناڤخۆ" ب یەك وەزارەنێ و یەك وەزیری ناهێتەڤەكرن، بەرپرسیارەتیەكا هەڤكاری و ب هەڤراییە، تنێ وی دەمی دكارین باوەریێ بدەینە بەرهەمێ كوردستانێ كو درۆشمێن بریقەدار و مەزنێن هەلبژارتن و كارنامەیا حكومەتێ  بۆ  هەمەجۆرێن ژێدەرێن داهاتێ ب كرداری بئێخنە بیاڤی جیبجیكرن دا".

دیاركر ژی،" دڤێت سنوران بسەر هەموو كەل و پەلێن دەرەكی بهێنە داخستن كو كەل و پەل و بەرهەمێ خۆمالی نكاریت هەڤڕكیا وان بكەت و خۆ دهەمبەری وان دا بگریت".

ئاماژە ب وێیەكێ ژی كر"  ئەڤە ژی تنێ ب وەزیرا چاندنی ناهێتەكرن، بەلكی ئیرادەو بریارا حكومەتێ بۆ بەرهەنگاربوونا نفوزا كۆمپانی و بازگارنیێن خودان دەستهەلات و  یاسایەك ژی  پێدڤیە پاراستنا بەرهەمێ خۆمالی كو د بەرنامە و پلانا دەستپێكا ڤی خولا پەرلەمانی بوویە".