سەرنووچە:

ساخلەمیا عێراقێ ئامارا ٢٤ دەمژمێرێن توشبوویێن کۆرۆنایێ راگەھاند

فۆتۆ: 
2020-07-07

185 جار خوێندراوەتەوە

وەزارەتا ساخلەمیا عێراقێ راگەھاند، د ٢٤ دەمژمێرێن دەربازبووی دا، دوو ھزار و ١٠٢ حالەتێن توشبوون ب کۆرۆنایێ ھزار و ٤١٤ حالەتێن چێبوونەڤە و ١٠٧ حالەتێن ژیان ژدەستدانێ ھاتنە تومارکرن.

ئەڤرۆ سێشەمبێ، وەزیرێ ژینگەھـ و ساخلەمیا عێراقێ راگەھاند، د ٢٤ دەمژمێرێن دەربازبووی دا، دوو ھزار و ١٠٢ حالەتێن نوو یێن توشبوون ب کۆرۆنایێ ھاتنە تومارکرن، ب ئاوایەکێ ٧١٨ حالەت ل بەغدایا پایتەخت بووینە.
دازانین ژی، د وی دەمێ دیارکری دا  ١٠٧ کەسان ژی ب ڤایرۆسێ کۆرۆنایێ ژیانا خۆ ژدەست دایە.

بەحس ژی کر، ھزار و ٤١٤ توشبوویێن دی ژی  ب تەمامی چێبووینەڤە و ڤەگەریاینە د ناڤ مالباتێن خۆ دا.
لدیف داوی ئامار ھەیا نھا ٦٤ ھزار و ٧٠١ کەس ل عێراقێ توشی ڤایرۆسێ کۆرۆنایێ بووینە، ژ وێ ھەژمارێ دوو ھزار و ٦٨٥ کەسان ژیانا خۆ ژدەست داینە، ٣٦ ھزار و ٢٥٢ کەس ل نەخوشیێ چێبووینەڤە.