سەرنووچە:

سەدەما سەرەکیا لهەڤنەهاتنا هەولێر و بەغدا هاتە ئاشکرن

فۆتۆ: 
2020-07-07

1322 جار خوێندراوەتەوە

ئەندامەکێ لیژنەیا ئاسایش و بەڕەڤانیێ ل پەرلەمانێ عێراقێ ڕاگەهاند، خالێن سنوری یەکە ژ گرنگترین خالێن ناکۆکیێ یێن هەرێم و بەغدا و دبێژیت، "ب دیتنامە ئەو شاندا ڤەدگەڕیتەڤە بەغدا د گۆتۆبێژان دا دێ دەستڤەکریتربن".

ئەڤرۆ سێشەمبیێ کاتع ئەلرکاب ئەندامێ لیژنەیا ئاسایش و بەڕەڤانیێ ل پەرلەمانێ عێراقێ  بۆ ڕۆژنامەیا سەباح ڕاگەهاند، بابەتێ خالێن سنوری ئاریشەیەکا سەرەکیە د ناڤبەرا هەرێم و بەغدایێ دا، دبێژیت ژی، حکومەتا هەرێمێ یا بەرهەڤە نیڤیا داهاتێ خالێن سنوری ڕادەستی بەغذا بکەت، لێ حکومەتا ناڤەند د وی بابەتی دا تێبینی هەنە و یەکە ژ سەدەمێن گیرۆبوونا لهەڤهاتنان.

دیارکر ژی، حکومەتا هەرێمێ بەرهەڤی نیشاندایە تەڤاهیا نەفتێ ڕادەستی حکومەتا ناڤەند بکەت و د دەما چەند ڕۆژێن داهاتی دا، شاندەکا دییا هەرێمێ دێ ڤەگەڕیتەڤە بەغدا و بەردەوامیێ دەنە گۆتۆبێژان.

بەحسا وێ یەکێ ژی کر، "ب دیتنا مە دەما ڤێجارێ ئەو شاندا دچیتەڤە بەغدا د گۆتۆبێژان دا دەستڤەکریتر دبن".

هەڤدەم، ئومێد محەمەد نووچەگەهانێ ئێن ئاڕ تی ل بەغدا ژ زارێ ژێدەرەکێ ژ شاندا هەرێمێ و بەغدا ڕاگەهاند، سەدەما گیرۆکرنا ڤەگەڕیانا شاندا هەرێمێ بۆ بەغدا ئەوە کو حکومەتا ناڤەند پێداچوون بۆ دۆسیەیا نەفتێ و پاکێجا پرسا مووچەیێ مووچەخۆرێن هەرێمێ تەمام نەکریە.

دازانین ژی، سەدەما نەگەهشتنە لهەڤهاتنا هەرێم و بەغدا، دەما لهەڤهاتنێ و ڕێژەیا وی پارەیە کو هەرێم داخواز دکەت.

س.ع