سەرنووچە:

سوبەهی شاندێ هەرێمێ دێ سەرەدانا بەغدا کەت

فۆتۆ: 
2020-07-06

557 جار خوێندراوەتەوە

پەرلەمانتارەکێ پارتی ل عێراقێ راگەهاند، ب مەرەما درێژیدان ب گۆتۆبێژان دگەل حکومەتا فیدرال، سوبەهى شاندێ هەرێمێ دێ سەرەدانا بەغدا کەت ، گوت ژى، "هەرێم یا جدییە کو دگەل بەغدا بگەهنە لهەڤهاتنەکێ".

هندرین دوسکی پەرلەمانتارێ پارتی ل پەرلەمانێ عێراقێ بۆ مالپەرەکێ حزبا خۆ راگەهاندیە، " سوبەهى شاندێ هەرێمێ دێ سەرەدانا بەغدا کەت بۆ درێژیدان ب گۆتۆبێژان دگەل حکومەتا فیدرال و حکومەتا هەرێمێ یا جدیە کو بگەهنە لهەڤهاتنێ، گوت ژى، "ژ ئالیێ عێراقێ ڤە داخواز هەیە بۆ لهەڤهاتنێ دگەل هەرێمێ و چ ئاستەنگیێن مەزن نەماینە بۆ گەهشتن ب لهەڤهاتنێ".

دازانین ژى، "هندەک هوورکاریێن تەکنیکی دەربارەى چارەسەرکرنا مژاران ماینە، ئەگەر ئەو بهێنە چارەسەرکرن، بێ گومان دێ لهەڤهاتن هێتە کرن، کو ئەز بخۆ یێ گەشبینم کو دێ گەهنە ئەنجامەکێ باش".

بەحس ژى کر، عێراقێ ب خۆ چەند ئاریشە بۆ درۆستبووینە و ب وێ سەدەمێ بوویە ئاستەنگی د لهەڤهاتنا هەرێم و بەغدایێ دا، وەکی بەلافبوونا فایرۆسێ کۆرۆنایێ و داکەتنا بهایێ نەفتێ و گوهەرتنێن کازمى، واتە عێراقێ بخۆ ئاریشە هەنە.

د دەمێ دەربازبووى دا بۆ چارەسەرکرنا ئاریشەیێن د ناڤبەرا هەردوو ئالیان دا چەندین جاران شاندێ هەرێمێ سەرەدانا بەغدایێ کر و حکومەتا عێراقێ ژى راگەهاندبوو هەیا نەگەهنە لهەڤهاتنا داویێ چ کوژمەکێ پارەى بۆ هەرێمێ  ناهنێرین.