سەرنووچە:

تورکیا دەربارەی ھێرشان بەرسڤا عێراقێ دا

فۆتۆ: 
2020-07-06

1215 جار خوێندراوەتەوە

وەزارەتا دەرڤەیا تورکیا د بەرسڤا عێراقێ دا راگەھاند، تورکیا د چارچۆڤەیێ یاسایێن ناڤدەولەتی ب مافێ ڕەوایێ خۆ دزانیت، لەھەمبەری ھەر کارەکێ تێکدەرانە کو ل عێراقێ دھێتە کرن، بەڕەڤانیێ ژ خۆ بکەت.

 حامی ئاکسۆی پەیڤدارێ وەزارەتا دەرڤەیا تورکیا بەرسڤا ڕاگەھاندنا ھەردوو سەرۆکاتیێن وەزیران و وەزارەتا دەرڤە یا عێراقێ دەربارەی ھێرشێن تورکیا بۆ سەر ھەرێمێ دا و ڕاگەھاند، " د دەما خۆدا مە بەرسڤا پێدڤی ب ئالیێن عێراقێ دایە لھەمبەر وان داخۆیانیان کو ل دژی ئۆپراسیۆنا پەنجێن پلنگی و پەنجێن بازی داینە ، کو لسەر پەکەکێ ل عێراقێ بڕێڤە دچیت، د نھا دا ژی لسەر ڤی بابەتی ل جەم لایەنێن عێراقی زەلالکرنا نوو و بێ بنەما دھێت".

ئاماژەکریە ژی، " دێ جارەکا دی ژی وێ یەکێ لبیرا ھەوە ئینین کو بۆ ھەڤبەندیێ بەرھەڤین دەربارەی رووبرووبوونا ھەڤبەش لدژی پەکەکێ کو گەفێ سەر ئاسایش و سەروەریا عێراقێ دروست دکەت".

بەحسکریە ژی، " ھەیا کو ئەڤ چاڤەرێیێن مە نەھێنە پێشوازیکرن ، تورکیا ل دژی ھەر چالاکیەکا تێکدەرانە کو ژێدەرێ وێ د ناڤا ئاخا عێراقێ دھێت د چارچوڤەیا یاسایا ناڤدەولەتی ب مافێ رەوا یێ خۆ دانیت رێکارێن پێدڤی بگریتە بەر".