سەرنووچە:

ئامارا شەش مەھێن بنپێکاریا ھەمبەر رۆژنامەڤانان ھاتە ئاشکراکرن

فۆتۆ: 
2020-07-05

171 جار خوێندراوەتەوە

سەنتەرێ میترۆ ئامارا شەش مەھێن بنپێکاریا ھەمبەر ئازادیا رۆژنامەڤانیێ بەلاڤکر کو تێا ۹٨ جورێن بنپێکاریان ھەمبەر ۷۲ رۆژنامەڤانان و دەزگەھێن ڕاگەھاندن ھاتیە تۆمارکرن و ژ وێ ژمارەیێ ژی پێنج رۆژنامەڤان ژن بووینە ، دبێژیت ژی، " کۆرۆنا کریە ھەجەتەک دی بۆ بەرتەنگکرنا ئازادیا ڕۆژنامەڤانیێ".

سەنتەرێ میترۆ بۆ بەرەڤانیکرنێ ژ مافێن رۆژنامەڤانان ئامارا شەش مەھێن بنپێکاریا ھەمبەر ئازادیا رۆژنامەڤانیێ بەلاڤکر ، لگۆر ئامارێ ، ل کانۆنێ بۆ ۳۰ێ ھەزیرانا ۲۰۲۰ێ ، ۹٨ جورێن بنپێکاریا ھەمبەر ۷۲ رۆژنامەڤان و دەزگەھێن ڕاگەھاندنێ ھاتنە تۆمارکرن ، ژ وێ ژمارەیێ ژی پێنج رۆژنامەڤان ژن بوونە.

د ئامارێ دا ٥۳ حەلەتێن ڕێگرتن ژ رۆمالکرن و پێنج حالەتێن گەفکرن ، حەفت حالەتێن دەستەسەرکرنێ ل دەرڤەی چارچۆڤەیێ یاسایا رۆژنامەگەریێ ، ھەشت ھێرش و لێدان ، نەھـ حالەتێن دەستەسەرکرنێ بێ فەرمانا دادگەھێ ، ۱۱ حالەتێن دەستەسەرکرنێ و شکاندنا کەلۆپەلێن رۆژنامەڤانان ، سێ ھێرشێن ئەلیکترۆنی ، دوو کەیسێن کرێتکرنا کچان و ژنان د ناڤا دەزگەھێن میدیایی ھاتنە تۆمارکرن.

ژ ئالیەکێ دی ڤە، نەزاکەت حسێن سکرتێرا لیژنەیا بەڕەڤانیکرن ژ مافێن ڕۆژنامەڤانان ل سەندیکایا رۆژنامەڤانێن کوردستانێ ب ئێن ئاڕ تی ڕاگەھاند، د ڤان شەش مەھان دا زێدە بنپێکاری ھەبوونە، بەشەک ژبەر قەدەغەیا ھاتن و چوونێ لھەمبر رۆژنامەڤانان و بەشەک ژی ژبەر خۆنیشاندانان ئاریشێن سیاسی بوونە".