سەرنووچە:

ڤیدیۆ.. ل پێشیا دادگەها زاخۆ کەسەک هاتە کوشتن

فۆتۆ: 
2020-07-05

2437 جار خوێندراوەتەوە

ل پێشیا دادگەها زاخۆ ب دەستڕێژیا گولـلەیان کەسەک هاتە کوشتن کو زیندانی بوو، ب مەرەما دادگەهکرنێ ئینابوونە دادگەهێ.

نەشئەد سەلمان پەیڤدارێ پۆلیسێن زاخۆ بۆ  ئێن ئاڕ تی ڕاگەهاند، دەمژمێر ١٢ و ٥٠ خولەکێ نیڤرۆیا ئەڤرۆ یەکشەمبیێ ل پێشیا دادگەها زاخۆ کەسەکێ دەستڕێژیا گولـلەیان ل کەسەکێ دی کر و دەملدەست ژیانا خۆ ژدەستدایە.

دیارکر ژی، هەیا نها سەدەما تەقەکرن ژ وی ولاتی دیار نینە، د نها دا ژی پۆلیسێن وان گەهشتینە جهێ بوویەرێ و دەست ب ڤەکۆلینان کرنە.

هەڤدەم، ئەمیر عەلی پەیڤدارێ ساخلەمیا زاخۆ بۆ ئێن ئاڕ تی ڕاگەهاند، بەریا گەهاندنێ بۆ نەخۆشخانەیا زاخۆ وی وەلاتی ژیانا خۆ ژدەستدایە و جهێ دوو گوللـەیان لسەر لەشێ وی هەبوویە و یەکسەر تەڕمێ وی بۆ نۆژداریا داد ل دهۆکێ هاتیە ڤەگوهاستن.

لگۆری زانیاریێن نووچەگەهانێ ئێن ئاڕ تی، ئەو کەسێ هاتی کوشتن زیندانی بوویە و ئەڤرۆ ب مەرەما دادگەهکرنێ و لێوەرگرتنا ئاخافتنێن وی ئینابوو دادگەهێ، هند ئاریشەیێن قەڕ و دەینداریێ هەبوونە.

ئەحمەد زاخۆیی، زاخۆ

س.م