سەرنووچە:

وێنە.. ل لیبیا سیستەمێ بەڕەڤانیا عەسمانی یا تورکیا ھاتە تێکشکاندن

فۆتۆ: 
2020-07-05

678 جار خوێندراوەتەوە

میدیایێن لیبیا ڕاگەھاند، سیستەما بەڕەڤانیا عەسمانی یا تورکیا ژ ئالیێ سوپایێ نیشتیمانی یێ وی ولاتی ڤە ل بنگەھێ ئەلواتیە " عەقەبە بن نافیع" ل رۆژئاڤایێ لیبیا ھاتە تێکشکاندن.

ژێدەرەک ل ژوورا ئۆپراسیۆنێن ھێزێن عەسمانی یا سەر ب سوپایێ نیشتیمانی یێ لیبیا ڤە ڕاگەھاند، ھێرشا عەسمانی رادار و سیستەما بەڕەڤانیا عەسمانی "ھۆک" و سیستەما " کۆرال" ب ئارمانج گرتیە.

ئاماژە کریە ژی، ئەڤ سیستەم رۆژا پێنجشەمبیێ ژ ئالیێ ھێزێن تورکیا ڤە ل بەشێ رۆژئاڤایێ بنگەھێ سەربازی ھاتبوون بجیکرن.

ھەڤدەم ژێدەرەک سەربازی ڕاگەھاند، ئەڤرۆ وەزیرێ بەرەڤانیێ  ھاتیە ئاگەھدارکرن کو بنگەھێ عوقبە بن نافیع بەرھەڤە بۆ بەکارئینانێ ھەر ژبەر وێ یەکێ سوپایێ نیشتیمانی یێ لیبیا بریارا تێکشکاندنا سیستەمێ دا و ڕێژەیا تێکشکاندنێ ۱۰۰٪ بوویە.