سەرنووچە:

ل ئاکرێ ژبەر ڕێپێنەدانێ کو بچیت مووچەیێ خۆ وەرگریت ئەفسەرەکێ پێشمەرگەی دەست ژ کارێ خۆ بەردا

فۆتۆ: 
2020-07-05

5686 جار خوێندراوەتەوە

موختار خورشید هەرکی، یەک ژ ئەفسەرێن پێشمەرگەی د پۆستەکێ فەیسبووکێ دا بەلاڤکر، کو دەما چەند ڕۆژانە بزاڤان دکەت بچیتە هەولێرێ بۆ وەرگرتنا مووچەیێ خۆ، لێ ژ ئالیێ زلگەهێن سنورێ قەزا ئاکرێ ڤە ڕێ پێ ناهێتە دان. دبێژیت ژی، دەربازبوونا خەلکی ل وان زالگەهان یا بوویە واستەیی و ڕێ ژی ب وی نادەن ژبەر ڤێ یەکێ دەست ژ کارێ خۆ بەردا.

موختار خورشید هەرکی د فەیسبووکێ خۆ دا نڤیسیە، "نزانم و تێناگەھم ئەڤ بێرێزیە بۆچی ئەز ئێک ژ ئەفسەر و پلەدارامە ل سلکەیێ عەسکەری ل فەرماندەیا ھەولێر چەند ڕۆژن بزاڤان دکەم کو بچم بۆ وەرگرتنا مووچەیێ ئەرکێ خو ل ھــەولێرێ، لێ ڕێگری ل من دھێتە کرن کو نابیت بچم".

دبێژیت ژی، "تشتێ سەیر ئەوە دەما دچم بەریا کو بێژمێ دێ چمە هەولێر، ئەفسەرێت هەردوو زالگەهێن (جەمەی) و( قــەندیل) دبێژنە من مختار نابیت بچی، ھەتا رادەیەکی بێ رێزی ژی دھێتە کرن بەرامبەری من".

هەروەسا گوتیە، "ئەگەر یاسایی بیت و ڕێ بۆ هەمیا وەکی یەک بیت دروستە ئەز ژی ناچم، لێ هەموو یا بیە واستە و واستەکاری و یێ دلێ وان لێ بیت دروستە بچن و یێن ئەو حەسنەکەن ڕێنادەنێ و بێڕێزیێ لهەمبەر دکەن.

ئەو یەک ژی زەلالکریە، کو  پشتی ئەڤ کارە لهەمبەر وی هاتیەکرن چەند ڕۆژە ئالیێن پەیوەندیدار هایدارکرنە کو هەڤکاربن داکو بچیت مووچەیێ خۆ وەرگریت، لێ وان ژی چ ب ئاخافتنا وی نەدایە.

د داویێ دا ژی گوتیە، "لێرە دا من دڤێت ھەموو خەلکی هایدار بکەم، کو من دەست ژ کارکێشانا "استقالە" خۆ پێشکێش کر و چ دی ڤێ بێڕێزیێ قەبوول ناکەم و نە پێشمەرگاتیێ و نە دەوامێ دکەم، دیرۆک شاهیدە کا چەند داستان و شەڕێن دژوار پشکداربووینە و ئەڤرۆ ژی بڤی ڕەنگی بێڕێزی و سوکایەتی لهەمبەر مە بهێتەکرن".

شکیران زێباری-ئاکرێ

س.م