سەرنووچە:

کازمی چەند گۆھەرتن د پۆستێن ئەولەھیا عێراقێ دا کرن

فۆتۆ: 
2020-07-04

376 جار خوێندراوەتەوە

مستەفا کازمی ھەریەک ژ قاسم ئەعرەجی وەزیرێ بەرێ یێ نافخۆ بۆ شێوەرمەندێ جڤاتا ئاسایشا نیشتیمانی و عەبدولغەنی ئەسەدی فەرماندێ بەرێ یێ ھێزێن دژەتیرۆرێ بۆ ڕێڤەبرنا دەزگەھێ ئاسایشا نیشتیمانی ڕاسپاردن.

میدیایێن نافخۆ بەلاڤکرن کو چەند ژێدەرێن ئاگەھدار ئاشکرا کرینە ، مستەفا کازمی فەرماندێ گشتی یێ ھێزێن چەکدار و سەرۆک وەزیرێن عێراقێ ، داوی ب ئەرکێ فالح فەیاز وەک شێوەرمەندێ جڤاتا ئاسایشا نیشتیمانی ئینا و ل جھێ وی قاسم ئەعرەجی وەزیرێ بەرێ یێ نافخۆ راسپارد.

ئاماژەکریە ژی، کازمی داوی ب ئەرکێ فالح بۆ بڕێڤەبرنا کاروبارێن دەزگەھێ ئاسایشا نیشتیمانی ئینا و عەبدولغەنی ئەسەدی فەرماندێ بەرێ یێ ھێزێن دژە تیرۆرێ بۆ برێڤەبرنا کاروبارێن ئاسایشا نیشتیمانی راسپارد.

د دەمێن دەربازبوویی دا فەرماندێ گشتی ھێزێن چەکدار سەرۆک وەزیرانێ عێراقێ مستەفا کازمی چەندین گۆھەرتن د پۆستێن بلند یێن سەربازی و ئەولەھیێ دا کرینە.